ಶುಕ್ರವಾರ ಕೂಡ ಜಿಲ್ಲೆಯಲ್ಲಿ ಮಳೆ?

ತುಮಕೂರು: ಕಳೆದೆರಡು ದಿನಗಳಿಂದ ಬಿಡುವು ನೀಡಿದ ಸುರಿದಿದ್ದ ಮಳೆ ಗುರುವಾರ ಕೊಂಚ ಬಿಡುವು ನೀಡಿತು, ಭಾರತೀಯ ಹವಾಮಾನ ಇಲಾಖೆ ಶುಕ್ರವಾರ ಕೂಡ ಜಿಲ್ಲೆಯಲ್ಲಿ ಬೀಳುವ ಸಾಧ್ಯತೆಯಿದೆ ಎಂದು ವರದಿ ನೀಡಿದೆ.

ಇಂದು ಚಿಕ್ಕನಾಯಕನಹಳ್ಳಿಯಲ್ಲಿ 23.1, ಗುಬ್ಬಿ 17.7, ಕೊರಟಗೆರೆ 21, ಕುಣಿಗಲ್​ 18, ಮಧುಗಿರಿ 22.4, ಪಾವಗಡ 20, ಶಿರಾ 20.3, ತಿಪಟೂರು20.4, ತುಮಕೂರು 18.5 ಹಾಗೂ ತುರುವೇಕೆರೆಯಲ್ಲಿ 18.7ಮಿಮೀ ಮಳೆ ಬೀಳುವ ನಿರೀೆಯಿದೆ. ಗುರುವಾರ ಅತೀ ಹೆಚ್ಚು ಮಳೆ ಸುರಿಯುವ ನಿರೀೆಯಿತ್ತಾದರೂ ದಿನಪೂರ್ತಿ ಮೋಡ ಕವಿದ ವಾತಾವರಣವಷ್ಟೇ ಇತ್ತು.

ಕುಣಿಗಲ್​ ತಾಲೂಕು ಮಾಕೋರ್ನಹಳ್ಳಿ ಜಲಾಶಯ, ತುಮಕೂರು ತಾಲೂಕಿನ ಮರಳೂರು ಕೆರೆ ಮಳೆ ನೀರಿಗೆ ತುಂಬಿ ಕೋಡಿ ಹರಿಯುತ್ತಿದೆ, ಇನ್ನು ತುರುವೇಕೆರೆ ತಾಲೂಕು ಮಲ್ಲಾಟ್ಟ, ಶಿರಾ ತಾಲೂಕು ಕಳ್ಳಂಬೆಳ್ಳ, ತುಮಕೂರಿನ ಅಮಾನಿಕೆರೆ ಸೇರಿದಂತೆ ಜಿಲ್ಲೆಯ ವಿವಿಧ ಕೆರೆಗಳು ಹೇಮಾವತಿ ನೀರು ಹರಿದ ಕಾರಣಕ್ಕೆ ಕೋಡಿಬಿದ್ದಿವೆ.