ತುಮಕೂರು: ಸಿಬ್ಬಂದಿಗೆ ಪಿತೃತ್ವ ರಜೆ ಮಂಜೂರು ಮಾಡಲು ರಜೆ ದಿನದ ವೇತನವನ್ನು ಲಂಚವಾಗಿ ಸ್ವೀಕರಿಸುತ್ತಿದ್ದ ಪ್ರೌಢಶಾಲೆ ಶಿಕ್ಷಕ ಲೋಕಾಯುಕ್ತ ಪೊಲೀಸರ ಬಲೆಗೆ ಸಿಕ್ಕಿಬಿದ್ದಿದ್ದಾರೆ.
ಶಿರಾ ತಾಲೂಕು ಮದಲೂರು ಹಾವನೂರು ಗ್ರಾಮಾಂತರ ಸರ್ಕಾರಿ ಅನುದಾನಿತ ಪ್ರೌಢಶಾಲೆ ಮುಖ್ಯಶಿಕ್ಷಕ ವಿ.ನಾಗರಾಜು ಅ.9ರಂದು 23000 ಹಣವನ್ನು ಪೋನ್ಪೇ ಮೂಲಕ ಲಂಚವಾಗಿ ಸ್ವೀಕರಿಸಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾರೆ.
ಶಾಲೆಗೆ ಎಸ್ಡಿಎ ಆರ್.ಲೋಕೇಶ್ ಎಂಬುವವರು 15 ದಿನ ಪಿತೃತ್ವ ರಜೆಗಾಗಿ ಅರ್ಜಿ ಸಲ್ಲಿಸಿದ್ದರು ರಜೆ ಮಂಜೂರು ಮಾಡಲು ರಜೆ ಸಮಯದ ವೇತನ 23500ರೂ.ಗಳನ್ನು ಲಂಚವಾಗಿ ನೀಡಲು ಬೇಡಿಕೆಯಿಟ್ಟಿದ್ದರು ಎನ್ನಲಾಗಿದ್ದು. ಲಂಚ ನೀಡಲಾಗದ ಲೋಕೇಶ್ ಲೋಕಾಯುಕ್ತ ಪೊಲೀಸರಿಗೆ ದೂರು ನೀಡಿದ್ದರು.