ಹುಬ್ಬಳ್ಳಿ : ಕ್ರೇಜಿಸ್ಟಾರ್ ರವಿಚಂದ್ರನ್ ನಟಿಸುತ್ತಿರುವ ಕನ್ನಡ ಚಲನಚಿತ್ರ ತ್ರಿಶೂಲಂನ ಚಿತ್ರೀಕರಣ ಹುಬ್ಬಳ್ಳಿ ಹಾಗೂ ಸುತ್ತಲಿನ ಪ್ರದೇಶದಲ್ಲಿ ಮಂಗಳವಾರ ನಡೆಯಿತು.
ವರೂರು ವಿಆರ್ಎಲ್ ಸಂಸ್ಥೆಯ ಆವರಣದಲ್ಲಿ ಬೆಳಗ್ಗೆ ಹಾಗೂ ಹುಬ್ಬಳ್ಳಿ ಚನ್ನಮ್ಮ ವೃತ್ತದಲ್ಲಿ ಮಧ್ಯಾಹ್ನ ಚಿತ್ರೀಕರಣ ನಡೆಯಿತು. ಚನ್ಮಮ್ಮ ವೃತ್ತದಲ್ಲಿ ಸಾಹಸ ದೃಶ್ಯದ ಚಿತ್ರೀಕರಣದಲ್ಲಿ ರವಿಚಂದ್ರನ್ ಹಾಗೂ ನಾಯಕಿ ನಟಿ ಸಾನ್ವಿ ಶ್ರೀವಾಸ್ತವ ಸಂಜೆಯವರೆಗೂ ಪಾಲ್ಗೊಂಡಿದ್ದರು. ಆರ್.ಎಸ್. ಪ್ರೋಡಕ್ಷನ್ಸ್ನಡಿ ಓಂ ಪ್ರಕಾಶ ರಾವ್ ತ್ರಿಶೂಲಂ ಚಿತ್ರ ನಿರ್ದೇಶಿಸುತ್ತಿದ್ದಾರೆ.
ಚನ್ನಮ್ಮ ವೃತ್ತದಲ್ಲಿ ಚಿತ್ರೀಕರಣ ವೇಳೆ ವೀಕ್ಷಣೆಗೆ ನೂರಾರು ಜನರು ಸೇರಿದ್ದರು. ಚಿತ್ರೀಕರಣಕ್ಕಾಗಿ ತ್ರಿಶೂಲಂ ತಂಡ ಸೋಮವಾರವೇ ಹುಬ್ಬಳ್ಳಿಗೆ ಆಗಮಿಸಿತ್ತು.