ರೈಲು ಸಂಚಾರ ಭಾಗಶಃ ರದ್ದು

ಹುಬ್ಬಳ್ಳಿ : ಅರಸಿಕೆರೆ ಯಾರ್ಡ್​ನಲ್ಲಿ ಕೈಗೊಂಡಿರುವ ಸುರಕ್ಷತೆ ಮತ್ತು ನಿರ್ವಹಣೆ ಕಾಮಗಾರಿಯಿಂದಾಗಿ ವಿವಿಧ ರೈಲುಗಳ ಸಂಚಾರವನ್ನು ಭಾಗಶಃ ರದ್ದುಗೊಳಿಸಲಾಗಿದೆ.

ಆ. 26, ಸೆ. 2, 9, 16, 21, 23, 28, 30, ಅ. 5 ಮತ್ತು 14ರಂದು ಎಸ್​ಎಸ್​ಎಸ್ ಹುಬ್ಬಳ್ಳಿ -ಅರಿಸಿಕೆರೆ ಡೈಲಿ ಎಕ್ಸ್​ಪ್ರೆಸ್ ರೈಲು ಸಂಚಾರ ಬಿರುರ-ಅರಸಿಕೆರೆ ಮಧ್ಯೆ ರದ್ದುಗೊಳ್ಳಲಿದೆ.

ಆ. 27, ಸೆ. 3, 10, 17, 22, 24, 29, ಅ. 1, 6 ಮತ್ತು 15ರಂದು ಅರಸಿಕೆರೆ - ಎಸ್​ಎಸ್​ಎಸ್ ಹುಬ್ಬಳ್ಳಿ ಡೈಲಿ ಎಕ್ಸ್​ಪ್ರೆಸ್ ರೈಲು ಸಂಚಾರ ಅರಸಿಕೆರೆ- ಬಿರುರ ಮಧ್ಯೆ ರದ್ದುಗೊಳ್ಳಲಿದೆ.

ನಿಲುಗಡೆ ಮುಂದುವರಿಕೆ : ಎಸ್​ಎಸ್​ಎಸ್ ಹುಬ್ಬಳ್ಳಿ - ಸಿಂಧನೂರ ಡೈಲಿ ಪ್ಯಾಸೆಂಜರ್ ಸ್ಪೇಷಲ್ ರೈಲಿಗೆ ಹಳ್ಳಿಗುಡಿ ನಿಲ್ದಾಣದಲ್ಲಿ ಸೆ. 1 ರಿಂದ 2025ರ ಫೆ. 28ರವರೆಗೆ ಒಂದು ನಿಮಿಷದ ತಾತ್ಕಾಲಿಕ ನಿಲುಗಡೆ ಸೌಲಭ್ಯವನ್ನು ಮುಂದುವರೆಸಲಾಗಿದೆ.

ತಡವಾಗಿ ಸಂಚಾರ : ಕುಸುಗಲ್ಲ ಮತ್ತು ಹೆಬಸೂರ ನಿಲ್ದಾಣದ ಮಧ್ಯೆ ಹಳಿ ನಿರ್ವಹಣೆ ಹಿನ್ನೆಲೆಯಲ್ಲಿ ಆ. 20 ಮತ್ತು 22ರಂದು ಸೊಲ್ಲಾಪುರ - ಎಸ್​ಎಸ್​ಎಸ್ ಹುಬ್ಬಳ್ಳಿ ಡೈಲಿ ಪ್ಯಾಸೆಂಜರ್ ಸ್ಪೇಷಲ್ ರೈಲು ನಿಗದಿತ ಸಮಯಕ್ಕಿಂತ 60 ನಿಮಿಷ ತಡವಾಗಿ ಸಂಚರಿಸಲಿದೆ.