ತೊಗರಿ ಬಿತ್ತನೆ ಬೀಜ ಸಮರ್ಪಕ ವಿತರಿಸುವಂತೆ ರೈತ ಸಂಪರ್ಕ ಕೇಂದ್ರದ ಮುಂಭಾಗ ಪಟ್ಟು ಹಿಡಿದ ರೈತರು

ಹಟ್ಟಿಚಿನ್ನದಗಣಿ: ಹೋಬಳಿ ವ್ಯಾಪ್ತಿಯಲ್ಲಿ ತೊಗರಿ ಬೆಳೆಯಲು ಬೇಡಿಕೆ ಹೆಚ್ಚಿದ್ದರೂ ಕಡಿಮೆ ಬೀಜ ಪೂರೈಸಿದ ಹಿನ್ನೆಲೆಯಲ್ಲಿ ಗುರುಗುಂಟಾ ರೈತ ಸಂಪರ್ಕ ಕೇಂದ್ರದ ಮುಂಭಾಗ ರೈತರು ಶುಕ್ರವಾರ ಧರಣಿ ನಡೆಸಿದರು.

ಪ್ರಸಕ್ತ ಸಾಲಿಗೆ ಸಮಯಕ್ಕೆ ಸರಿಯಾಗಿ ಮಳೆಯಾಗಿದ್ದು, ಬಿತ್ತನೆ ಮಾಡಲು ಜಮೀನು ಹದ ಮಾಡಿಕೊಂಡ ರೈತರು ಬಿತ್ತನೆ ಬೀಜಕ್ಕಾಗಿ ಅಲೆದಾಡುವಂತಾಗಿದೆ. ವಾರದಿಂದ ಅಲೆದಾಡುತ್ತಿದ್ದರೂ ಬೇಡಿಕೆಗೆ ತಕ್ಕಂತೆ ಬೀಜ ಸಿಗುತ್ತಿಲ್ಲವೆಂದು ರೈತರಾದ ಕೃಷ್ಣಪ್ಪ ದೊರೆ, ಹನುಮಂತ ಗಡ್ಡಿ, ತಿಪ್ಪಣ್ಣ ಇತರರು ದೂರಿದರು.