ವಿಜಯವಾಣಿ ಸುದ್ದಿಜಾಲ ಉಡುಪಿ
ಮಣಿಪಾಲದ ವೈದ್ಯ ಹಾಗೂ ಮೂಲತ: ಕಾಶ್ಮೀರಿ ಪಂಡಿತರಾದ ಡಾ.ರಾಹುಲ್ ಮೆಗಝಿನ್ ಅವರ ಆ್ಯಂಡ್ ದಿ ವ್ಯಾಲಿ ರಿಮೈಂಡ್ ಸೈಲೆಂಟ್ಎಂಬ ಇಂಗ್ಲಿಷ್ ಕೃತಿಯ ಕನ್ನಡ ಅನುವಾದ ಕಣ್ಣೀರ ಕಣಿವೆ ಎಂಬ ಕೃತಿ ಫೆ.18ರಂದು ಸಂಜೆ 4:30ಕ್ಕೆ ಉಡುಪಿ ಶ್ರೀಕೃಷ್ಣ ಮಠದ ರಾಜಾಂಗಣದಲ್ಲಿ ಬಿಡುಗಡೆಗೊಳ್ಳಲಿದೆ ಎಂದು ಕೃತಿಯ ಅನುವಾದಕ ಉದಯಕುಮಾರ್ ಹಬ್ಬು ತಿಳಿಸಿದರು.
ಉಡುಪಿಯ ಪ್ರೆಸ್ ಕ್ಲಬ್ ನಲ್ಲಿ ಫೆ.15ರಂದು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಪರ್ಯಾಯ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಶ್ರೀಪಾದರು ಅಧ್ಯಕ್ಷತೆ ವಹಿಸುವರು. ಅಯೋಧ್ಯಾ ಪ್ರಕಾಶನದ ರೋಹಿತ್ ಚಕ್ರತಿರ್ಥ ಪುಸ್ತಕ ಬಿಡುಗಡೆ ಮಾಡಲಿದ್ದಾರೆ. ಶ್ರೀನಗರದ ನಿವೃತ್ತ ಪ್ರಾಧ್ಯಾಪಕ ಡಾ.ಮನಮೋಹನಲಾಲ್ ಕಿಶನ್ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಮೂಲ ಕೃತಿಕಾರ ಡಾ.ರಾಹುಲ್ ಮೆಗಝಿನ್ ಪಾಲ್ಗೊಳ್ಳಲಿದ್ದಾರೆ ಎಂದರು.
1990ರ ದಶಕದಲ್ಲಿ ಕಾಶ್ಮೀರಿ ಮುಸಲ್ಮಾನರ ಭಯೋತ್ಪಾದಕ ಕೃತ್ಯಗಳಿಂದ ಅಲ್ಲಿದ್ದ ಹಿಂದುಗಳು ಕಾಶ್ಮೀರದಿಂದ ಜಮ್ಮುವಿಗೆ ಪಲಾಯನ ಮಾಡಬೇಕಾಯಿತು. ಆ ಸಂದರ್ಭದಲ್ಲಿ ಕಾಶ್ಮೀರಿ ಪಂಡಿತರು ಅನುಭವಿಸಿದ್ದ ಕಷ್ಟಗಳ ಸರಣಿ ಘಟನೆಗಳ ಕುರಿತು ಈ ಪುಸ್ತಕ ಮಾಹಿತಿ ತೆರೆದಿಡಲಿದೆ ಎಂದರು.
ಸುದ್ದಿಗೋಷ್ಠಿಯಲ್ಲಿ ಡಾ.ರಾಹುಲ್ ಮೆಗಝಿನ್, ಡಾ.ಮನಮೋಹನಲಾಲ್ ಕಿಶನ್ ಉಪಸ್ಥಿತರಿದ್ದರು.