ಎಸ್ಸೆಸ್ಸೆಲ್ಸಿ ಸಾಧನೆಗೈದವರಿಗೆ ಸನ್ಮಾನ

ಯಲ್ಲಾಪುರ: ಪ್ರಸಕ್ತ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ರಾಜ್ಯಮಟ್ಟದಲ್ಲಿ ರ್ಯಾಂಕ್ ಪಡೆದು ಸಾಧನೆಗೈದ ವಿದ್ಯಾರ್ಥಿಗಳ ಮನೆಗೆ ತೆರಳಿ ಶಾಸಕ ಶಿವರಾಮ ಹೆಬ್ಬಾರ ಅಭಿನಂದಿಸಿದರು.

ರಾಜ್ಯಕ್ಕೆ ತೃತೀಯ ಸ್ಥಾನ ಪಡೆದ ದೊಡ್ಡಬೇಣದ ನಚಿಕೇತ ಎನ್. ಮರಾಠಿ, ನಾಲ್ಕನೇ ಸ್ಥಾನ ಪಡೆದ ಧನ್ಯಾ ನಾರಾಯಣ ಹೆಗಡೆ ಹಾಗೂ ಆರನೇ ಸ್ಥಾನ ಪಡೆದ ಮೇಘಾ ವಿಶ್ವನಾಥ ಮರಾಠಿ ಡೋಮಗೇರಿ ಅವರನ್ನು ಶಾಸಕರು ಶಾಲು ಹೊದಿಸಿ ಸನ್ಮಾನಿಸಿದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಎನ್.ಕೆ. ಭಟ್ಟ ಮೆಣಸುಪಾಲ, ಜಿಲ್ಲಾ ಕಾಂಗ್ರೆಸ್ ಸಮಿತಿ ಪ್ರಧಾನ ಕಾರ್ಯದರ್ಶಿ ವಿ.ಎಸ್. ಭಟ್ಟ, ಇತರರಿದ್ದರು.