ಶರನ್ನವರಾತ್ರಿ ಉತ್ಸವ ಇಂದಿನಿಂದ

ವಿಜಯವಾಣಿ ಸುದ್ದಿಜಾಲ ಧಾರವಾಡ
ನಗರದ ಯಾಲಕ್ಕಿಶೆಟ್ಟರ್​ ಕಾಲನಿ ಶಂಕರಪುರದ ಶ್ರೀ ಶೃಂಗೇರಿ ಶಂಕರಮಠದಲ್ಲಿ ಅ. 3ರಿಂದ ಅ. 12ರವರೆಗೆ ಶರನ್ನವರಾತ್ರಿ ಉತ್ಸವ ನಿಮಿತ್ತ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.
ಅ. 3ರಂದು ಸಂಜೆ 6 ಗಂಟೆಗೆ ಡಾ. ಎಸ್​.ಆರ್​. ಹೆಬ್ಬಾಳ ಕಾರ್ಯಕ್ರಮ ಉದ್ಘಾಟಿಸುವರು. ಅತಿಥಿಯಾಗಿ ಅನಂದ ಥಿಟೆ, ವಿಠ್ಠಲ ನಾರಾಯಣ ಶೆಟ್ಟಿ, ಇತರರು ಆಗಮಿಸಲಿದ್ದಾರೆ. ನಂತರ ವೈಷ್ಣವಿ ಶೆಟ್ಟಿ ಭರತನಾಟ್ಯ ಪ್ರಸ್ತುತಪಡಿಸಲಿದ್ದಾರೆ. ನಿತ್ಯ ಬೆಳಗ್ಗೆ ಶಾರದಾ ದೇವಿಗೆ ಮಹಾಭಿಷೇಕ ನಡೆಸಿ, ವಿವಿಧ ಅಲಂಕಾರ ಮಾಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.