ವಿಚಾರ ಸಂಕಿರಣ ಇಂದು

ವಿಜಯವಾಣಿ ಸುದ್ದಿಜಾಲ ಧಾರವಾಡ

ಕರ್ನಾಟಕ ವಿದ್ಯಾವರ್ಧಕ ಸಂಘವು ಕರ್ನಾಟಕ ರಾಜ್ಯೋತ್ಸವ, ಕರ್ನಾಟಕ ನಾಮಕರಣ-50ರ ಸಂಭ್ರಮ ನಿಮಿತ್ತ ಹಮ್ಮಿಕೊಂಡಿರುವ ಧರೆಗೆ ದೊಡ್ಡವರು ವಿಶೇಷ ಕಾರ್ಯಕ್ರಮದಡಿ ನ. 6ರಂದು ಬೆಳಗ್ಗೆ 10.30ಕ್ಕೆ ಶಿವಮೊಗ್ಗದ ಹಿರಿಯ ವ್ಯಾಕರಣ ತಜ್ಞ ಡಾ. ಡಿ.ಎನ. ಶಂಕರ ಭಟ್​ ಬದುಕು ಮತ್ತು ಕೊಡುಗೆ ಕುರಿತು ವಿಚಾರ ಸಂಕಿರಣ ಜರುಗಲಿದೆ.

ಡಾ. ಡಿ.ಎನ. ಶಂಕರ ಭಟ್​ ಬದುಕಿನ ಕುರಿತು ಬೆಂಗಳೂರಿನ ಡಾ. ಸಿ.ಪಿ. ನಾಗರಾಜ ಮತ್ತು ಕೊಡುಗೆ ಕುರಿತು ಶಿವಮೊಗ್ಗದ ಡಾ. ಮೇಟಿ ಮಲ್ಲಿಕಾರ್ಜುನ ಮಾತನಾಡುವರು. ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯೆ ಡಾ. ಶೈಲಜಾ ಅಮರಶೆಟ್ಟಿ ಸಂಯೋಜನೆ ಮಾಡುವರು ಎಂದು ಪ್ರಕಟಣೆ ತಿಳಿಸಿದೆ.