ಮಸ್ಕಿ: ಹಳ್ಳಿ ಜನರು ಸ್ವಾವಲಂಬಿ ಜೀವನ ನಡೆಸಲು ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಸಹಕಾರಿಯಾಗಿದೆ ಎಂದು ಯೋಜನೆಯ ಬಿ.ಸಿ.ಟ್ರಸ್ಟ್ ಜಿಲ್ಲಾ ನಿರ್ದೇಶಕ ಮೋಹನ್ ನಾಯಕ್ ಹೇಳಿದರು.
ಇದನ್ನೂ ಓದಿ: ಧರ್ಮಸ್ಥಳದಿಂದ ಅನುದಾನ ಹಸ್ತಾಂತರ
ಪಟ್ಟಣದ ಗಚ್ಚಿನ ಹಿರೇಮಠದಲ್ಲಿ ಶನಿವಾರ ಆಯೋಜಿಸಿದ್ದ ತಾಲೂಕು ಮಟ್ಟದ ಮಹಿಳಾ ಜ್ಞಾನ ವಿಕಾಸ ವಿಚಾರ ಗೋಷ್ಠಿ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಧರ್ಮಸ್ಥಳ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ಅವರು ಮಹಿಳೆಯರ ಸಬಲೀಕರಣ, ರೈತರ ಬದುಕು ಹಸನ ಮಾಡುವುದು, ಸರಿಯಾದ ಜ್ಞಾನ, ಶಿಸ್ತು, ಸ್ವಚ್ಛತೆ,
ಕೌಟುಂಬಿಕ ಸಾಮರಸ್ಯ, ಆರೋಗ್ಯ ಕಾರ್ಯಕ್ರಮಗಳನ್ನು ಮಾಡುವ ಮೂಲಕ ಜನ ಜಾಗೃತಿ ಮೂಡಿಸುತ್ತಿದ್ದಾರೆ ಎಂದರು. ಉಪನ್ಯಾಸಕಿ ನಾಗರತ್ನಾ ಗುತ್ತೇದಾರ, ಪುರಸಭೆ ಅಧ್ಯಕ್ಷ ಮಲ್ಲಯ್ಯ ಅಂಬಾಡಿ, ತಹಸೀಲ್ದಾರ್ ಡಾ.ಮಲ್ಲಪ್ಪ ಕೆ.ಯರಗೋಳ, ವೈದ್ಯಾಧಿಕಾರಿ ಅಂಬಿಕಾ, ಮಸ್ಕಿ ತಾಲೂಕು ಯೋಜನಾಧಿಕಾರಿ ಜಿ.ಶಾಲಿನಿ, ಪ್ರಮುಖರಾದ ಚನ್ನಬಸವ ಹಿರೇಮಠ, ಅಪ್ಪಾಜಿಗೌಡ ಪಾಟೀಲ್, ಎಂ.ಅಮರೇಶ, ಕರಿಯಪ್ಪ ಕಟ್ಟಿಮನಿ ಇದ್ದರು.