ಬೆಂಗಳೂರು: ಮದುವೆ ಆಮಂತ್ರಣ, ಉಡುಪುಗಳನ್ನೆಲ್ಲ ಯಾರು ಪರಿಶೀಲಿಸುತ್ತಾರೆ. ವಿಮಾನ ನಿಲ್ದಾಣದಲ್ಲಿ ಸುಲಭವಾಗಿ ಪಾಸ್ ಆಗಿಬಿಡಬಹುದು ಎಂಬುದು ಅವರ ಲೆಕ್ಕಾಚಾರವಾಗಿತ್ತು. ಆದರೆ, ಬೆಂಗಳೂರಿನ ವಿಮಾನ ನಿಲ್ದಾಣದಲ್ಲಿನ ತಪಾಸಣೆ ಬಿಗಿಯಾಗಿದ್ದು, ಮದುವೆ ಆಮಂತ್ರಣ, ಉಡುಪುಗಳನ್ನು ಕಳುಹಿಸಿದವರ ಲೆಕ್ಕಾಚಾರ ತಲೆಕೆಳಗಾಗಿತ್ತು.
ಬೆಂಗಳೂರಿನ ಏರ್ ಕಾರ್ಗೋ ಕಾಂಪ್ಲೆಕ್ಸ್ನ ಕೊರಿಯರ್ ಟರ್ಮಿನಲ್ನಲ್ಲಿ ಅಧಿಕಾರಿಗಳು ಶುಕ್ರವಾರ (ಫೆ.21) ಎಕ್ಸ್ಪೋರ್ಟ್ ಕನ್ಸೈನ್ಮೆಂಟ್ ತಪಾಸಣೆಯನ್ನು ನಡೆಸಿದ ವೇಳೆ ಮದುವೆ ಆಮಂತ್ರಣ ಮತ್ತು ಜತೆಗಿರುವ ಉಡುಪುಗಳು ಸುಲಭವಾಗಿ ಹೋಗಲಿಲ್ಲ. ಸ್ಕ್ಯಾನಿಂಗ್ ವೇಳೆ ಅದೇನೋ ಪೌಡರ್ ಇರುವುದು ಪತ್ತೆಯಾಗಿತ್ತು. ಪೊಟ್ಟಣ ಪರಿಶೀಲಿಸಿದಾಗ 43 ಮದುವೆ ಆಮಂತ್ರಣಗಳು ಮತ್ತು ಕೆಲವು ಗಾರ್ಮೆಂಟ್ಸ್ ಅದರಲ್ಲಿ ಇದ್ದವು.
ಆಮಂತ್ರಣ ಪತ್ರಗಳನ್ನು ಕಾರ್ಡ್ಬೋರ್ಡ್ ಶೀಟ್ನಿಂದ ತಯಾರಿಸಿದ್ದು, ಮಡಿಚಬಹುದಾಗಿದ್ದವು. ಹೆಚ್ಚಿನ ತಪಾಸಣೆಗೆ ಅವುಗಳನ್ನು ಒಳಪಡಿಸಿದಾಗ, ಆ ಆಮಂತ್ರಣ ಪತ್ರದೊಳಗೆ ಪಾಲಿಥಿನ್ ಪೌಚ್ಗಳಲ್ಲಿ ತುಂಬಿಸಿಟ್ಟ ಕ್ರಿಸ್ಟಲಿನ್ ಪೌಡರ್ ಪತ್ತೆಯಾಗಿದೆ. 43 ಆಮಂತ್ರಣ ಪತ್ರದೊಳಗೆ ಒಟ್ಟು 86 ಪೌಚ್ಗಳು ಪತ್ತೆಯಾಗಿವೆ. ಈ ಪೌಡರನ್ನು ಎಫಿಡ್ರೈನ್ ಎಂದು ಹೇಳಲಾಗುತ್ತಿದ್ದು, ಇದು ಎನ್ಡಿಪಿಎಸ್ ಕಾಯ್ದೆ ಪ್ರಕಾರ ನಿಷೇಧಿತವಾದವು.
ಈ ಸರಕು ಪೂರ್ತಿಯಾಗಿ ಮಧುರೈನ ಎಕ್ಸ್ಪೋರ್ಟರ್ ಒಬ್ಬರಿಗೆ ಸೇರಿದ್ದಾಗಿದ್ದು, ಅವರು ಆಸ್ಟ್ರೇಲಿಯಾಕ್ಕೆ ಇದನ್ನು ಕಳ್ಳಸಾಗಣೆ ಮಾಡಲು ಪ್ರಯತ್ನಿಸಿದ್ದರು ಎಂಬ ಅಂಶ ಮೇಲ್ನೋಟಕ್ಕೆ ಸಾಬೀತಾಗಿದೆ. ಪತ್ತೆಯಾದ ಒಟ್ಟು ಪೌಡರ್ನ ತೂಕ 5.049 ಕಿಲೋ ಇದ್ದು, ಇದರ ಮೌಲ್ಯ 5.05 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಕಸ್ಟಮ್ಸ್ ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಕಳೆದ ಮೂರು ದಿನಗಳ ಅವಧಿಯಲ್ಲಿ ಇದು ಎಫಿಡ್ರೈನ್ ಕಳ್ಳಸಾಗಣೆಯ ಎರಡನೇ ಪ್ರಯತ್ನವಾಗಿತ್ತು. ಫೆ.18ರಂದು ಕೂಡ 5 ಕಿಲೋ ತೂಕದ ಪೌಡರನ್ನು ಆಸ್ಟ್ರೇಲಿಯಾಕ್ಕೆ ಕಳ್ಳಸಾಗಣೆ ಮಾಡುವ ಪ್ರಯತ್ನ ನಡೆದಿತ್ತು. ಅದು ಕೂಡ ಮಧುರೈನಿಂದಲೇ ಕೊರಿಯರ್ ಆಗಿತ್ತು.
ಬೆಂಗಳೂರು: ಮದುವೆ ಆಮಂತ್ರಣ, ಉಡುಪುಗಳನ್ನೆಲ್ಲ ಯಾರು ಪರಿಶೀಲಿಸುತ್ತಾರೆ. ವಿಮಾನ ನಿಲ್ದಾಣದಲ್ಲಿ ಸುಲಭವಾಗಿ ಪಾಸ್ ಆಗಿಬಿಡಬಹುದು ಎಂಬುದು ಅವರ ಲೆಕ್ಕಾಚಾರವಾಗಿತ್ತು. ಆದರೆ, ಬೆಂಗಳೂರಿನ ವಿಮಾನ ನಿಲ್ದಾಣದಲ್ಲಿನ ತಪಾಸಣೆ ಬಿಗಿಯಾಗಿದ್ದು, ಮದುವೆ ಆಮಂತ್ರಣ, ಉಡುಪುಗಳನ್ನು ಕಳುಹಿಸಿದವರ ಲೆಕ್ಕಾಚಾರ ತಲೆಕೆಳಗಾಗಿತ್ತು.
ಬೆಂಗಳೂರಿನ ಏರ್ ಕಾರ್ಗೋ ಕಾಂಪ್ಲೆಕ್ಸ್ನ ಕೊರಿಯರ್ ಟರ್ಮಿನಲ್ನಲ್ಲಿ ಅಧಿಕಾರಿಗಳು ಶುಕ್ರವಾರ (ಫೆ.21) ಎಕ್ಸ್ಪೋರ್ಟ್ ಕನ್ಸೈನ್ಮೆಂಟ್ ತಪಾಸಣೆಯನ್ನು ನಡೆಸಿದ ವೇಳೆ ಮದುವೆ ಆಮಂತ್ರಣ ಮತ್ತು ಜತೆಗಿರುವ ಉಡುಪುಗಳು ಸುಲಭವಾಗಿ ಹೋಗಲಿಲ್ಲ. ಸ್ಕ್ಯಾನಿಂಗ್ ವೇಳೆ ಅದೇನೋ ಪೌಡರ್ ಇರುವುದು ಪತ್ತೆಯಾಗಿತ್ತು. ಪೊಟ್ಟಣ ಪರಿಶೀಲಿಸಿದಾಗ 43 ಮದುವೆ ಆಮಂತ್ರಣಗಳು ಮತ್ತು ಕೆಲವು ಗಾರ್ಮೆಂಟ್ಸ್ ಅದರಲ್ಲಿ ಇದ್ದವು.
ಆಮಂತ್ರಣ ಪತ್ರಗಳನ್ನು ಕಾರ್ಡ್ಬೋರ್ಡ್ ಶೀಟ್ನಿಂದ ತಯಾರಿಸಿದ್ದು, ಮಡಿಚಬಹುದಾಗಿದ್ದವು. ಹೆಚ್ಚಿನ ತಪಾಸಣೆಗೆ ಅವುಗಳನ್ನು ಒಳಪಡಿಸಿದಾಗ, ಆ ಆಮಂತ್ರಣ ಪತ್ರದೊಳಗೆ ಪಾಲಿಥಿನ್ ಪೌಚ್ಗಳಲ್ಲಿ ತುಂಬಿಸಿಟ್ಟ ಕ್ರಿಸ್ಟಲಿನ್ ಪೌಡರ್ ಪತ್ತೆಯಾಗಿದೆ. 43 ಆಮಂತ್ರಣ ಪತ್ರದೊಳಗೆ ಒಟ್ಟು 86 ಪೌಚ್ಗಳು ಪತ್ತೆಯಾಗಿವೆ. ಈ ಪೌಡರನ್ನು ಎಫಿಡ್ರೈನ್ ಎಂದು ಹೇಳಲಾಗುತ್ತಿದ್ದು, ಇದು ಎನ್ಡಿಪಿಎಸ್ ಕಾಯ್ದೆ ಪ್ರಕಾರ ನಿಷೇಧಿತವಾದವು.
ಈ ಸರಕು ಪೂರ್ತಿಯಾಗಿ ಮಧುರೈನ ಎಕ್ಸ್ಪೋರ್ಟರ್ ಒಬ್ಬರಿಗೆ ಸೇರಿದ್ದಾಗಿದ್ದು, ಅವರು ಆಸ್ಟ್ರೇಲಿಯಾಕ್ಕೆ ಇದನ್ನು ಕಳ್ಳಸಾಗಣೆ ಮಾಡಲು ಪ್ರಯತ್ನಿಸಿದ್ದರು ಎಂಬ ಅಂಶ ಮೇಲ್ನೋಟಕ್ಕೆ ಸಾಬೀತಾಗಿದೆ. ಪತ್ತೆಯಾದ ಒಟ್ಟು ಪೌಡರ್ನ ತೂಕ 5.049 ಕಿಲೋ ಇದ್ದು, ಇದರ ಮೌಲ್ಯ 5.05 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಕಸ್ಟಮ್ಸ್ ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಕಳೆದ ಮೂರು ದಿನಗಳ ಅವಧಿಯಲ್ಲಿ ಇದು ಎಫಿಡ್ರೈನ್ ಕಳ್ಳಸಾಗಣೆಯ ಎರಡನೇ ಪ್ರಯತ್ನವಾಗಿತ್ತು. ಫೆ.18ರಂದು ಕೂಡ 5 ಕಿಲೋ ತೂಕದ ಪೌಡರನ್ನು ಆಸ್ಟ್ರೇಲಿಯಾಕ್ಕೆ ಕಳ್ಳಸಾಗಣೆ ಮಾಡುವ ಪ್ರಯತ್ನ ನಡೆದಿತ್ತು. ಅದು ಕೂಡ ಮಧುರೈನಿಂದಲೇ ಕೊರಿಯರ್ ಆಗಿತ್ತು.