ಹಾವೇರಿ: ಬಸ್ನಲ್ಲಿ ಸೀಟು ಹಿಡಿಯಲು ಎಂದು ಅಪರಿಚಿತ ವ್ಯಕ್ತಿಗೆ ಬ್ಯಾಗ್ ಕೊಟ್ಟ ಮಹಿಳೆಯ 1.10 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ದೋಚಿದ ಘಟನೆ ತಾಲೂಕಿನ ಹೊಸರಿತ್ತಿ ಬಸ್ ನಿಲ್ದಾಣದಲ್ಲಿ ನಡೆದಿದೆ.
ಸವಣೂರ ತಾಲೂಕಿನ ಹತ್ತಿಮತ್ತೂರ ಗ್ರಾಮದ ಜಯಮ್ಮ ಬಾಸಿಂಗಪ್ಪ ಲಮಾಣಿ (43) ಎಂಬುವರ ಚಿನ್ನಾಭರಣ ದೋಚಿರುವುದು.
ಇವರು ಹೊಸರಿತ್ತಿಯಿಂದ ರಾಣೆಬೆನ್ನೂರಿಗೆ ಬರುವ ಸಲುವಾಗಿ ಬಸ್ ಹತ್ತುವಾಗ ಬಸ್ನಲ್ಲಿದ್ದ ಅಪರಿಚಿತ ವ್ಯಕ್ತಿಯ ಕೈಗೆ ಬ್ಯಾಗ್ ನೀಡಿ ಸೀಟು ಹಿಡಿಯಲು ಹೇಳಿದ್ದಾರೆ. ವ್ಯಕ್ತಿಯು ಬ್ಯಾಗ್ನಲ್ಲಿದ್ದ ಚಿನ್ನಾಭರಣ ತೆಗೆದುಕೊಂಡು ಬ್ಯಾಗ್ ಬಿಟ್ಟು ಇಳಿದು ಹೋಗಿದ್ದಾನೆ. ಈ ಕುರಿತು ಗುತ್ತಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.