ಕೊಪ್ಪಳ: ಕಳೆದೊಂದು ವಾರದಿಂದ ಉತ್ತಮ ಮಳೆಯಾಗಿದ್ದು, ಬಿತ್ತನೆ ಚುರುಕುಗೊಂಡಿದೆ. ಆದರೆ, ರಸಗೊಬ್ಬರ ಕೊರತೆ ಕಾರಣ ರೈತರು ಗೊಬ್ಬರಕ್ಕಾಗಿ ಬಡಿದಾಡುವಾಂತಾಗಿದೆ.
ಕೊಪ್ಪಳದಲ್ಲಿ ಸೋಮವಾರ ಟಿಎಪಿಎಂಸಿ ಬಳಿ ಯೂರಿಯಾ ಗೊಬ್ಬರಕ್ಕಾಗಿ ಕಿ.ಮೀ.ಗಟ್ಟಲೇ ಸರತಿ ಸಾಲು ನಿಂತಿದ್ದಾರೆ. ಗೊಬ್ಬರ ಪಡೆಯಲು ಬಡಿದಾಡಿಕೊಳ್ಳುತ್ತಿದ್ದಾರೆ. ಜಿಲ್ಲೆಯಲ್ಲಿ ಜುಲೈ ಅಂತ್ಯಕ್ಕೆ 26 ಸಾವಿರ ಮೆಟ್ರಿಕ್ ಟನ್ ಬೇಡಿಕೆ ಇದೆ. ಆದರೆ, ಮಳೆಯಾದ ಕಾರಣ ಒಣ ಬೇಸಾಯ ಆಧಾರಿತ ಪ್ರದೇಶದಲ್ಲೂ ಬಿತ್ತನೆ ಚುರುಕುಗೊಂಡಿದೆ.
ಮತ್ತೊಂದೆಡೆ ತುಂಗಭದ್ರಾ ಜಲಾಶಯದಿಂದ ಕಾಲುವೆಗಳಿಗೆ ನೀರು ಬಿಟ್ಟಿದ್ದು, ಭತ್ತ ನಾಟಿಯೂ ಚುರುಕುಗೊಂಡಿದೆ. ಹೀಗಾಗಿ ಬೇಡಿಕೆ ಅಧಿಕವಾಗಿದ್ದು, ಗೊಬ್ಬರ ಪೂರೈಕೆಯಾಗಿಲ್ಲ.