ಬೆಂಗಳೂರು:ಬನಶಂಕರಿ 2ನೇ ಹಂತದ ಫಿಡಿಲಿಟಸ್ ಗ್ಯಾಲರಿಯಲ್ಲಿ ಆಯೋಜಿಸಿರುವ "ಸೌಗಂಧಿಕಾ' ಕಲಾ ಪ್ರದರ್ಶನ ಕಾರ್ಯಕ್ರಮಕ್ಕೆ ಶುಕ್ರವಾರ ಚಾಲನೆ ಸಿಕ್ಕಿದೆ. ಮೇ 18ರವರೆಗೆ ಪ್ರತಿ ನಿತ್ಯ ಬೆಳಗ್ಗೆ 11 ಗಂಟೆಯಿಂದ 5 ಗಂಟೆವರೆಗೆ ಪ್ರದರ್ಶನ ಇರಲಿದೆ. ಸಾರ್ವಜನಿಕರಿಗೆ ಉಚಿತ ಪ್ರವೇಶವಿದೆ.
ಕಲಾವಿದೆ ಎಚ್.ಬಿಂದುಮತಿ ಅವರ ಏಕವ್ಯಕ್ತಿ ಕಲಾಕೃತಿಗಳು ನೋಡುಗರ ಗಮನ ಸೆಳೆಯುತ್ತಿವೆ.ಹಿರಿಯ ಕಲಾವಿದ ಎ.ಎಂ. ಪ್ರಕಾಶ್ ಮಾತನಾಡಿ, ಪ್ರತಿಭಾನ್ವಿತ ಕಲಾವಿದರಿಗೆ ಸೂಕ್ತ ವೇದಿಕೆ ದೊರೆಯುವಂತಾಗಬೇಕು.ವೇದಿಕೆ ಸಿಗದಿದ್ದರೆ ಕಲಾವಿದರ ಪ್ರತಿಭೆ ಹೊರ ಬರುವುದಿಲ್ಲ.ಎಚ್.ಬಿಂದುಮತಿ ರಚಿಸಿರುವ ಪ್ರತಿ ಕಲಾಕೃತಿ ಆಕರ್ಷಣೆಯಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ನೃತ್ಯ ಕಲಾವಿದೆ ನಿರುಪಮಾ ರಾಜೇಂದ್ರ, ದೃಶ್ಯ ಕಲಾವಿದ ಗಣಪತಿ ಅಗ್ನಿಹೋತ್ರಿ, ಫಿಡಿಲಿಟಸ್ ಗ್ಯಾಲರಿ ಸಂಸ್ಥಾಪಕ ಅಚ್ಯುತ್ಗೌಡ ಮತ್ತಿತರರಿದ್ದರು.