ಸಂಡೂರು: ತಾಲೂಕಿನ ಮೆಟ್ರಿಕಿ ಗ್ರಾಪಂ ವ್ಯಾಪ್ತಿಯಲ್ಲಿ ನರೇಗಾ ಯೋಜನೆಯಡಿ ಕೈಗೊಂಡಿರುವ ಕಾಮಗಾರಿ ಸ್ಥಳಕ್ಕೆ ಜಿಪಂ ಉಪ ಕಾರ್ಯದರ್ಶಿ ಗಿರಿಜಾಶಂಕರ್ ಗುರುವಾರ ಭೇಟಿ ನೀಡಿ ಪರಿಶೀಲಿಸಿದರು.
ನಮೂನೆ 6 ರಲ್ಲಿ ಅರ್ಜಿ ಸಲ್ಲಿಸಿದ ಕೂಲಿಕಾರರ ಮಾಹಿತಿ ರಿಜಿಸ್ಟರ್ 3ರಲ್ಲಿ ದಾಖಲಿಸುವುದು, ಜಾಬ್ಕಾರ್ಡ್, ಕೂಲಿಕಾರರಿಗೆ ಕೂಲಿ ಮತ್ತು ಅಳತೆ, ವೈಯಕ್ತಿಕ ಕಾಮಗಾರಿಗಳ ಪಟ್ಟಿ, ನಾಮಫಲಕದಲ್ಲಿ ಪೂರ್ಣವಾಗಿ ಮಾಹಿತಿ ಬರೆಸುವುದು, 2023-24ನೇ ಸಾಲಿನ ಕಾಮಗಾರಿಗಳ ಕಡತಗಳನ್ನು ಅಪ್ಡೇಟ್ ಮಾಡಿಸಲು ಸೂಚಿಸಿದರು.
ಲಕ್ಕಲಹಳ್ಳಿ ಗ್ರಾಮದ ಅಮೃತ ಸರೋವರ ಅಡಿ ನಲ್ಲೋಬಯ್ಯ ಕೆರೆ, ತುರಾಯೂ ಗುಂಡ್ಲು ಕೆರೆ ಅಭಿವೃದ್ಧಿ, ಬಸಾಪುರ ಗ್ರಾಮದ ವೈಯಕ್ತಿಕ ಮತ್ತು ಪಪ್ಪಾಯ ತೋಟ ಕಾಮಗಾರಿ ಸ್ಥಳ ಮತ್ತು ಕಡತಗಳನ್ನು ಪರಿಶೀಲನೆ ಮಾಡಿದರು.