ಗಣತಿ ಕಾರ್ಯ ಸಮರ್ಪಕವಾಗಿ ಮಾಡಿ

ಸಂಡೂರು: ಹೊರಗುಳಿದ ವಿಮುಕ್ತ ದೇವದಾಸಿ ಹಾಗೂ ಕುಟುಂಬದ ಸದಸ್ಯರನ್ನು ಗಣತಿ ಪಟ್ಟಿಗೆ ಸೇರಿಸಲು ಒತ್ತಾಯಿಸಿ ವಿಮುಕ್ತ ದೇವದಾಸಿ ಸಂಘದ ಸದಸ್ಯರು ಪಟ್ಟಣದ ಸಿಡಿಪಿಒ ಪಿ.ನಾಗರಾಜಗೆ ಗುರವಾರ ಮನವಿ ಪತ್ರ ಸಲ್ಲಿಸಿದರು.

ಇದನ್ನೂ ಓದಿ: ದೇವದಾಸಿ ಮಹಿಳೆಯರಿಗೆ ಸೌಲಭ್ಯ ಕಲ್ಪಿಸಲು ಆಗ್ರಹ

ಸಂಘದ ತಾಲೂಕು ಪ್ರಧಾನ ಕಾರ್ಯದರ್ಶಿ ಎಚ್.ದುರುಗಮ್ಮ ಮಾತನಾಡಿ, ನಿರಂತರ ಹೋರಾಟ ಫಲವಾಗಿ ಸರ್ಕಾರ ದೇವದಾಸಿ ನಿಷೇಧ ಮಸೂದೆ-2025ನ್ನು ಅಂಗೀಕರಿಸಿ ಗಣತಿ ಪಟ್ಟಿಯಿಂದ ಹೊರಗುಳಿದ ವಿಮುಕ್ತ ದೇವದಾಸಿ ಹಾಗೂ ಕುಟುಂಬ ಸದಸ್ಯರನ್ನು ಸೇರಿಸುವಂತೆ ಆದೇಶಿಸಿದೆ. ಆದರೆ ಗಣತಿ ಪಟ್ಟಿ ಸೇರಿಸುವ ಕಾರ್ಯ ಸಮರ್ಪಕವಾಗಿ ಆಗುತ್ತಿಲ್ಲ. ದೇವದಾಸಿ ನಿಷೇದ ಕಾಯ್ದೆ-1982ನ್ನು ತೋರಿಸಿ ಕಾಯಿದೆ ನಂತರ ಹುಟ್ಟಿದವನ್ನು ಗಣತಿಯಲ್ಲಿ ಸೇರಿಸಲಾಗದು ಎಂದು ಹೇಳಲಾಗುತ್ತಿದೆ. ಹೀಗಾಗಿ ಸರ್ಕಾರದ ವಿವಿಧ ಸೌಲಭ್ಯಗಳಿಂದ ಹಲವರು ವಂಚಿತರಾಗಲಿದ್ದಾರೆ. ಕೂಡಲೇ ಗಣತಿ ಪಟ್ಟಿಗೆ ಸೇರಿಸುವ ಕಾರ್ಯವಾಗಲಿ ಎಂದು ಒತ್ತಾಯಿಸಿದರು.