ಜಮಖಂಡಿ(ಗ್ರಾ): ತಾಲೂಕಿನ ಹುನ್ನೂರು ಗ್ರಾಮದ ಮಹಾಲಕ್ಷ್ಮೀ ದೇವಸ್ಥಾನದ ಸತ್ಸಂಗ ಮಂಡಳಿಯಿಂದ ಸಿದ್ಧೇಶ್ವರ ಮಹಾಸ್ವಾಮಿಗಳಿಗೆ ಸೋಮವಾರ ಸಂಜೆ ಗುರುನಮನ ಸಲ್ಲಿಸಲಾಯಿತು.
ಇದನ್ನೂ ಓದಿ: ಹಿಂದೂ ಕಾರ್ಯಕರ್ತನ ಬಂಧನ ಮಾಜಿ ಸಚಿವ ನಿರಾಣಿ ಖಂಡನೆ
ಗ್ರಾಮದ ಮಹಾಲಕ್ಷ್ಮೀ ದೇವಸ್ಥಾನದಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಶ್ರೀಗಳ ಭಾವಚಿತ್ರಕ್ಕೆ ಪೂಜೆ ನೆರವೇರಿಸಲಾಯಿತು. ಎಸ್. ಡಿ. ಸಂತಿ ಅವರು ಶ್ರೀಗಳ ಅಂತಿಮ ಅಭಿವಾದನ ಪತ್ರದ ಸಾರಾಂಶ ವಿವರಿಸಿದರು. ಸುಭಾಷ ಚಿಂಚಖಂಡಿ ಅವರು ಶ್ರೀಗಳ ಕುರಿತು ರಚಿಸಿದ ಸ್ವರಚಿತ ಕವನವನ್ನು ಸುಶ್ರಾವ್ಯವಾಗಿ ಹಾಡಿದರು.
ಸಾಹಿತಿ ವಸಂತ ಅಗಸಿಮನಿ ಅವರು ಪೂಜ್ಯ ಶ್ರೀಗಳ ನಡೆ, ನುಡಿ, ಆಚಾರ ವಿಚಾರ ಬಗ್ಗೆ ಮಾತನಾಡಿದರು. ಶಿವಪುತ್ರಯ್ಯ ಸಿದ್ಧಗಿರಿಮಠ ಸಾನ್ನಿಧ್ಯ ವಹಿಸಿದ್ದರು. ಹುನ್ನೂರಿನ ಪಿಕೆಪಿಎಸ್ ಅಧ್ಯಕ್ಷರಾಗಿ ಆಯ್ಕೆಯಾದ ದಯಾನಂದ ಹೂಗಾರ ಅವರನ್ನು ಸನ್ಮಾನಿಸಲಾಯಿತು.