ಸಂಡೂರು: ತಾಲೂಕಿನ ಜೋಗ ಗ್ರಾಮದ ಹೊಲ-ಗದ್ದೆಗಳಿಗೆ ತೆರಳುವ ರಸ್ತೆಗಳನ್ನು ಆವರಿಸಿರುವ ಜಾಲಿಗಳನ್ನು ಕತ್ತರಿಸಿ, ಸಂಚಾರಕ್ಕೆ ಅನುಕೂಲ ಮಾಡಿಕೊಡಬೇಕು ಎಂದು ಪಿಡಿಒ ಪಕ್ಕೀರಪ್ಪರಿಗೆ ಶುಕ್ರವಾರ ಅಖಿಲ ಭಾರತ ರೈತ ಕೃಷಿ ಕಾರ್ಮಿಕರ ಸಂಘಟನೆಯಿಂದ ಮನವಿ ಸಲ್ಲಿಸಲಾಯಿತು. ಜೋಗ ಗ್ರಾಮದ ರೈತರು ಸುತ್ತಲಿನ ಹೊಲ-ಗದ್ದೆಗಳಿಗೆ ತೆರಳಲು ನಿರ್ಮಿಸಲಾಗಿರುವ ರಸ್ತೆಗಳ ಬದಿ ಜಾಲಿಗಿಡಗಳು ಬೆಳೆದಿವೆ. ಹಲವು ವರ್ಷಗಳಿಂದ ಬೆಳೆದ ಜಾಲಿ ಕತ್ತರಿಸದೆ ಇರುವುದರಿಂದ ಸಂಚಾರಕ್ಕೆ ಅಡೆತಡೆ ಉಂಟಾಗುತ್ತಿದೆ. ಅಧಿಕಾರಿಗಳು ಕೂಡಲೇ ಗಮನಹರಿಸಿ ಗ್ರಾಮದ ಸುತ್ತಲಿನ ಎಲ್ಲ ರಸ್ತೆಗಳಲ್ಲಿ ಬೆಳೆದ ಜಾಲಿ, ಗಿಡಗಂಟೆಗಳನ್ನು ಕತ್ತರಿಸಬೇಕು ಎಂದು ಆಗ್ರಹಿಸಿದರು.