ಮೇಲ್ದರ್ಜೆಗೇರಿದ ರಸ್ತೆಗಿಲ್ಲ ಡಾಂಬರು! : ಪುತ್ಯೆ- ಪಟ್ರಮೆ- ಧರ್ಮಸ್ಥಳ- ಸಂಚಾರ ದುಸ್ತರ ಮೈಲುಗಲ್ಲಿಗೆ ಸೀಮಿತ ಅಭಿವೃದ್ಧಿ

ಅಭಿವೃದ್ಧಿ ವಿಚಾರದಲ್ಲಿ ರಾಜಕೀಯ ಮಾಡಬಾರದು. ಜನರ ಸೇವೆಗಾಗಿ ಇರುವವರು ಸೇವಕರಂತೆಯೇ ಇರಬೇಕು. ನಮ್ಮ ಭಾಗದ ರಸ್ತೆ ಅಭಿವೃದ್ಧಿ ಎಂದಾಗ ಅನುದಾನಗಳಿಲ್ಲ ಎಂಬ ಸಿದ್ಧ ಉತ್ತರ ಕೇಳಿಬರುತ್ತಿದೆ. ಆದರೆ ಬೇರೆ ಕ್ಷೇತ್ರಗಳಲ್ಲಿ ಅಭಿವೃದ್ಧಿ ಕಾಣುತ್ತಿದೆ. ಅಭಿವೃದ್ಧಿ ಮಾಡಲಾಗದವರು ರಾಜೀನಾಮೆ ನೀಡಿ ಬೇರೆಯವರಿಗೆ ಅವಕಾಶ ಮಾಡಿಕೊಡುವುದು ಉತ್ತಮ. ಕೊಕ್ಕಡ ಪಟ್ರಮೆ ಗ್ರಾಮಸ್ಥರು ಮತ್ತೆ ಹೋರಾಟದ ಹಾದಿ ಹಿಡಿಯುವುದು ಅನಿವಾರ್ಯ. ಶ್ಯಾಮರಾಜ್ ಪಟ್ರಮೆ ಸಾಮಾಜಿಕ ಹೋರಾಟಗಾರ ರಸ್ತೆಯಲ್ಲಿ ಡಾಂಬರಿಗಿಂತ ಹೊಂಡಗಳೇ ಜಾಸ್ತಿಯಾಗಿವೆ. ರಸ್ತೆ ಬದಿ ಚರಂಡಿ ವ್ಯವಸ್ಥೆ ಇಲ್ಲದಿರುವುದು, ಕೊಕ್ಕಡದಿಂದ ಹಿಡಿದು ಪಟ್ರಮೆ ಮುಖಾಂತರ ಧರ್ಮಸ್ಥಳದವರೆಗೂ ನೀರು ಚರಂಡಿ ಬಿಟ್ಟು ರಸ್ತೆಯಲ್ಲೇ ಹರಿಯುತ್ತಿದೆ. ಈ ರಸ್ತೆಯು ರಾಜ್ಯ ಹೆದ್ದಾರಿಯಾಗಿ ಪರಿವರ್ತನೆಯಾಗಿ ಐದು ವರ್ಷಗಳಾದರೂ ಹಿಂದಿನ ಪರಿಸ್ಥಿತಿಯಲ್ಲೇ ಇದೆ. ವರ್ಷಕ್ಕೆ ಒಂದು ಬಾರಿ ರಸ್ತೆಗೆ ತೇಪೆ ಹಚ್ಚುವ ಕೆಲಸ, ಚರಂಡಿ ರಿಪೇರಿ ಮಾಡಿ, ಜನರ ಕಣ್ಣಿಗೆ ಮಣ್ಣೆರೆಚುವ ಕೆಲಸ ನಡೆಯುತ್ತಿದೆ. ರೋಹಿತ್ ಕುಮಾರ್ ಪಚ್ಚೆ ನಿತ್ಯ ಪ್ರಯಾಣಿಕ ಪುತ್ಯೆಯಿಂದ ಧರ್ಮಸ್ಥಳವರೆಗಿನ ಸರ್ವೇ ಕಾರ್ಯ ಪೂರ್ಣಗೊಂಡಿದ್ದು, ಡಿಪಿಆರ್ ಹಂತದಲ್ಲಿದೆ. ಪ್ರಸ್ತುತ ಪುತ್ಯೆಯಿಂದ ದಿಡುಪೆವರೆಗಿನ 46 ಕಿ.ಮೀ. ರಸ್ತೆ ನಿರ್ವಹಣೆಗೆ 30 ಲಕ್ಷ ರೂ. ಅನುದಾನ ಬಂದಿದ್ದು, ಕಳೆದ ತಿಂಗಳಿನಲ್ಲಿಯೇ ನಾಗೇಶ್ ಕುಮಾರ್ ಎಂಬುವರಿಗೆ ಟೆಂಡರ್ ನೀಡಲಾಗಿದೆ. ಇದರಂತೆ ರಸ್ತೆಗೆ ಬಾಗಿರುವ ಮರದ ಗೆಲ್ಲುಗಳು ಸೇರಿದಂತೆ ಪೊದೆಗಳನ್ನು ತೆಗೆಯಲು ಹಾಗೂ ಚರಂಡಿ ನಿರ್ವಹಣೆ ಕಾರ್ಯ ಪುತ್ಯೆ ಭಾಗದಲ್ಲಿ ಈಗಾಗಲೇ ಆರಂಭಗೊಂಡಿದೆ. ಮಳೆ ಪ್ರಮಾಣ ಕಡಿಮೆಯಾದ ತಕ್ಷಣ ರಸ್ತೆಗಳಲ್ಲಿರುವ ಗುಂಡಿಗಳನ್ನು ಮುಚ್ಚಲಾಗುವುದು. ಬಕ್ಕಪ್ಪ ಹೊಸಮನಿ, ಎಇಇ, ಬೆಳ್ತಂಗಡಿ ಲೋಕೋಪಯೋಗಿ ಇಲಾಖೆ ರಾಜ್ಯ ಹೆದ್ದಾರಿ 276ರ ಪಟ್ರಮೆ ‘ಬಿ’ ಶಾಲೆಯ ಬಳಿ ರಸ್ತೆ ಮಧ್ಯೆ ಹೊಂಡ ನಿರ್ಮಾಣವಾಗಿರುವುದು. ಪುಂಡಿಕಾಯಿ ಬನ ಎಂಬಲ್ಲಿ ಹೊಂಡ ನಿರ್ಮಾಣವಾಗಿರುವುದು. https://www.vijayavani.net/saints-pilgrimage-in-edamangala v