ಕಟಕೋಳ: ಗ್ರಾಮದಲ್ಲಿ ಎಲ್ಲರೂ ಒಗ್ಗೂಡಿ ಶಾಂತಿ, ಸೌರ್ಹಾದದಿಂದ ಹಬ್ಬ ಆಚರಿಸಬೇಕು. ಜತೆಗೆ ಸಾಮಾಜಿಕ ಹಾಗೂ ಧಾರ್ಮಿಕ ಆಚರಣೆಗಳಿಗೆ ಸಹಕಾರ ಅಗತ್ಯ ಎಂದು ಸಿಪಿಐ ವಿನಾಯಕ ಬಡಿಗೇರ ಎಂದರು.
ಗ್ರಾಮದ ಶ್ರೀ ಪಾಂಡುರಂಗ ದೇವಸ್ಥಾನದ ಆವರಣದಲ್ಲಿ ಬಕ್ರೀದ್ ಹಬ್ಬದ ಅಂಗವಾಗಿ ಮಂಗಳವಾರ ಹಮ್ಮಿಕೊಂಡಿದ್ದ ಶಾಂತಿ ಸಭೆಯಲ್ಲಿ ಮಾತನಾಡಿ, ಪರಸ್ಪರ ಪ್ರೀತಿ, ವಿಶ್ವಾಸ ಹಾಗೂ ಸಹೋದರತ್ವದ ತಳಹದಿಯ ಮೇಲೆ ಎಲ್ಲ ಸಮುದಾಯದವರು ಭಾವನಾತ್ಮಕ ಬಾಂಧವ್ಯ ಹೊಂದಿದ್ದಾರೆ. ಯಾವುದೇ ಅಹಿತಕರ ಟನೆಗಳಿಗೆ ಆಸ್ಪದ ನೀಡಬಾರದು ಎಂದರು.
ಎಸ್.ಎ.ಶೆಟ್ಟಿಸದಾವರ್ತಿ, ಎಸ್.ಎನ್.ಸಿಂಗಾರಗೊಪ್ಪ, ಎಸ್.ಎಸ್.ಢವಣ, ಸುಪ್ರೀತ್ ಪಾಟೀಲ, ಮಲ್ಲನಗೌಡ ಸುರಗ, ಸರಪರಾಜ ಸಿ.ಬಿ., ದಾವಲಸಾಬ ಪೈಲ್ವಾನ, ಅಕ್ಬರ್ ಮುಲ್ಲಾ, ಅಪರಾಧ ವಿಭಾಗದ ಪಿಎಸ್ಐ ಎಂ.ಎಸ್.ಬಡಿಗೇರ ಇತರರಿದ್ದರು. ಪಿಎಸ್ಐ ಬಸವರಾಜ ಕೊಣ್ಣುರೆ ಸ್ವಾಗತಿಸಿದರು.