ಹೊಸಪೇಟೆ: ಮಹಾಭಾರತದಲ್ಲಿ ಶ್ರೀಕೃಷ್ಣ ಧರ್ಮದ ಪರವಾಗಿದ್ದು ಕುರುಕ್ಷೇತ್ರ ಯುದ್ಧ ಗೆಲ್ಲಿಸಿದರು ಎಂದು ಅಪರ ಜಿಲ್ಲಾಧಿಕಾರಿ ಅನುರಾಧಾ ಜಿ. ಹೇಳಿದರು.
ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಬುಧವಾರ ಏರ್ಪಡಿಸಿದ್ದ ಶ್ರೀಕೃಷ್ಣ ಜನ್ಮಾಷ್ಟಮಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಶ್ರೀಕೃಷ್ಣ ಬೋಧಿಸಿದ ಭಗವದ್ಗೀತೆಯನ್ನು ಓದಿದರೆ, ಇನ್ಯಾವುದೇ ಗ್ರಂಥ ಓದುವ ಅವಶ್ಯವಿಲ್ಲ. ಕೃಷ್ಣನ ಬೋಧನೆ, ತತ್ವಾದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಶ್ರೀಕೃಷ್ಣ ಸತ್ಯ, ಧರ್ಮದ ಪರವಾದ ಅವತಾರದ ಜೊತೆ ಮುದ್ದುಕೃಷ್ಣನಾಗಿ, ಅಣ್ಣ, ಸ್ನೇಹಿತ, ಗುರು, ಸಾರಥಿಯಾಗಿ ಸಹ ರೂಪುಗೊಂಡಿದ್ದಾನೆ ಎಂದರು.
ಕಲ್ಲಂ ಭಟ್ ವಿಶೇಷ ಉಪನ್ಯಾಸ ನೀಡಿದರು. ಶಾಸಕ ಎಚ್.ಆರ್.ಗವಿಯಪ್ಪ, ಜಿಲ್ಲಾಧಿಕಾರಿ ಎಂ.ಎಸ್.ದಿವಾಕರ, ಜಿಪಂ ಸಿಇಒ ಸದಾಶಿವ ಪ್ರಭು ಬಿ. ಇತರರಿದ್ದರು.