ಎನ್.ಆರ್.ಪುರ: ತಾಲೂಕಿನ ಕಾನೂರು ಗ್ರಾಪಂ ಅಧ್ಯಕ್ಷರಾಗಿ ರತ್ನಾಕರ್ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಮನೋಹರ್ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ ಕಾನೂರು ಗ್ರಾಪಂ ಕಚೇರಿಯಲ್ಲಿ ರತ್ನಾಕರ್ ಮಾತ್ರ ನಾಮಪತ್ರ ಸಲ್ಲಿಸಿದ್ದರು. ರಮೇಶ್ಕುಮಾರ್ ಚುನಾವಣಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು.
ಅಭಿನಂದನ ಸಭೆಯಲ್ಲಿ ಕಾಂಗ್ರೆಸ್ ಮುಖಂಡ ಮಕ್ಕಿಮನೆ ನಾಗೇಶ್ ಮಾತನಾಡಿ, ಕಾನೂರು ಗ್ರಾಪಂನಲ್ಲಿ ಅಭಿವೃದ್ಧಿ ಕಾರ್ಯಗಳು ಉತ್ತಮವಾಗಿ ನಡೆಯುತ್ತಿವೆ. ಹಿಂದಿನ ಅಧ್ಯಕ್ಷರು ಉತ್ತಮವಾವಿ ಕಾರ್ಯ ನಿರ್ವಹಿಸಿದ್ದಾರೆ. ನೂತನ ಅಧ್ಯಕ್ಷರು ಸದಸ್ಯರು ಹಾಗೂ ಅಧಿಕಾರಿಗಳ ಸಹಕಾರದಿಂದ ಗ್ರಾಪಂನನ್ನು ಮಾದರಿಯನ್ನಾಗಿಸಬೇಕು ಎಂದು ಸಲಹೆ ನೀಡಿದರು.
ಕಾಂಗ್ರೆಸ್ ಮುಖಂಡ ಜೋಗಿಮಕ್ಕಿ ಜಗದೀಶ್, ಕಾನೂರು ಗ್ರಾಪಂ ಉಪಾಧ್ಯಕ್ಷೆ ಮೋಹಿನಿ, ಸದಸ್ಯರಾದ ಮನೋಹರ್, ವಿಶಾಂತಿ ಡಿ. ಸೋಜ, ಶಿವಮೂರ್ತಿ, ಗ್ರಾಪಂ ಸದಸ್ಯರಾದ ಸವಿತಾ, ನಾಗರತ್ನಾ, ನಯನಾ, ವಿಜಯಕುಮಾರ್, ಸುಮಲತಾ, ಪಿಡಿಒ ಶ್ರೀನಿವಾಸ್ ಇದ್ದರು.