ರಾಮನಗರ
ಕಾರ್ಗಿಲ್ ಹೋರಾಟದಲ್ಲಿ ಮಡಿದ ವೀರರ ನೆನಪುಗಳನ್ನು ಪರಿಚಯಿಸಲು ಈ ದಿನ ವಿಶೇಷವಾಗಿದೆ ಎಂದು ಪಟೇಲ್ ಪಬ್ಲಿಕ್ ಆಂಗ್ಲ ಶಾಲೆಯ ಸಂಸ್ಥಾಪಕ ಕಾರ್ಯದರ್ಶಿ ಪಟೇಲ್ ಸಿ. ರಾಜು ತಿಳಿಸಿದರು.
ನಗರದ ಪಟೇಲ್ ಪಬ್ಲಿಕ್ ಆಂಗ್ಲ ಶಾಲೆ ಮತ್ತು ನೇಗಿಲಯೋಗಿ ಸಮಾಜ ಸೇವಾ ಟ್ರಸ್ಟ್ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಕಾರ್ಗಿಲ್ ವಿಜಯೋತ್ಸವ ಉದ್ಘಾಟಸಿ ಮಾತನಾಡಿ, ನಿವೃತ್ತ ಸುಬೇದಾರ್ ಭೀಮೆಗೌಡ ಅವರನ್ನು ಸನ್ಮಾನಿಸುತ್ತಿರುವುದು ಶ್ಲಾನೀಯ. ಕಾರ್ಗಿಲ್ ವಿಜಯೋತ್ಸವವನ್ನುರಾಜ್ಯಾದ್ಯಂತ ಶಾಲಾ ಕಾಲೇಜುಗಳಲ್ಲಿ ಆಚರಿಸಿ ದೇಶಕ್ಕೆ ಯೋಧರ ಕೊಡುಗೆ ನೆನಪಿಸುವಂತಾಗಬೇಕು ಎಂದರು.
ಸರ್ಕಾರಿ ನೌಕರರ ಸಂದ ಮಾಜಿ ಅಧ್ಯಕ್ಷ ಆರ್.ಕೆ. ಬೈರಲಿಂಗಯ್ಯ ಮಾತನಾಡಿ, ಗಡಿ ರಕ್ಷಣೆ ವಿಚಾರದಲ್ಲಿ ವಾಯುಪಡೆ, ನೌಕಾಪಡೆ, ಭೂಸೇನೆಯು ಪ್ರಪಂಚದಲ್ಲೇ ಸಧೃಡ ಶಕ್ತಿಶಾಲಿ ದೇಶವಾಗಿದೆ. ನಮ್ಮದು ಶಾಂತಿಪ್ರಿಯ ರಾಷ್ಟ್ರ. ದೇಶದ ಜನರ ನೆಮ್ಮದಿಯ ಬದುಕಿಗೆ ಯೋಧರ ಅವಶ್ಯಕತೆ ಇದೆ ಎಂದರು.
ಶಾಲಾ ಮಕ್ಕಳಿಂದ ಕಾರ್ಗಿಲ್ ವಿಜಯೋತ್ಸವದ ಬಗ್ಗೆ ಕಿರುನಾಟಕ ಸಂವಾದ ಕಾರ್ಯಕ್ರಮ ನಡೆಯಿತು. ನೇಗೆಲಯೋಗಿ ಪದಾಧಿಕಾರಿಗಳು, ಮುಖ್ಯಶಿಕ್ಷಕ ಆರ್.ಜಿ. ವಿನೋದ್, ಶಿಕ್ಷಕರು ಇದ್ದರು.