ದೇವದುರ್ಗದಲ್ಲಿ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
ದೇವದುರ್ಗ: ಯೋಗ ಭಾರತೀಯ ಸನಾತನ ಸಂಸ್ಕೃತಿಯ ಪ್ರತೀಕ. ಮನಸ್ಸು ಹಾಗೂ ದೇಹದ ಏಕಾಗ್ರತೆಯ ಸಂಕೇತವಾಗಿದೆ ಎಂದು ಕನ್ನಡ ವಿವಿ ಸಿಂಡಿಕೇಟ್ ಮಾಜಿ ಸದಸ್ಯ ಬಸವರಾಜ ಕೊಪ್ಪರ ಹೇಳಿದರು.
ಪಟ್ಟಣದ ನಿಸರ್ಗ ಶಿಕ್ಷಣ ಸಂಸ್ಥೆಯಲ್ಲಿ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಭಾನುವಾರ ಮಾತನಾಡಿದರು. ಯೋಗ ಕೇವಲ ವ್ಯಾಯಾಮವಲ್ಲ. ದೇಹ, ಮನಸ್ಸು ಮತ್ತು ಆತ್ಮದ ಸಮತೋಲನ ಕಾಪಾಡುವ ಜೀವನ ಪದ್ಧತಿಯಾಗಿದೆ. ಪ್ರತಿಯೊಬ್ಬರೂ ಯೋಗ ಅಳವಡಿಸಿಕೊಳ್ಳಬೇಕು. ಇದರಿಂದ ರೋಗದಿಂದ ಮುಕ್ತಿ ಹೊಂದಬಹುದು ಎಂದರು.
ವಕೀಲ ಶಿವರಾಜ್ ನಾಯಕ, ಮುಖಂಡರಾದ ವೆಂಕಟೇಶ ಶಾಖೆ, ಛತ್ರಪ್ಪ ಭಜಂತ್ರಿ, ಉಪನ್ಯಾಸಕ ಸಂಗಮೇಶ, ಮುಖ್ಯಶಿಕ್ಷಕಿ ವಸುದಾ ಬಿ., ಮಲ್ಲಣ್ಣ ಸಾಹುಕಾರ, ಶಿವರಾಜ್ ಹಳ್ಳಿ, ನಾಗರಾಜ ಮೇಸ್ತ್ರಿ, ಶಿಕ್ಷಕರಾದ ಅಮೃತಾ ಹುಂಡೆಕಲ್, ಭಾನುಬೇಗಂ, ತಿಮ್ಮಯ್ಯ ಇತರರಿದ್ದರು.