ಸಿರವಾರ-ರಾಯಚೂರು ರಸ್ತೆ ಪಕ್ಕದ ಟಿಸಿ ದುರಸ್ತಿ ಕೇಂದ್ರಕ್ಕೆ ತಗುಲಿದ ಬೆಂಕಿ ನಂದಿಸುತ್ತಿರುವ ಅಗ್ನಿಶಾಮಕ ಠಾಣೆ ಸಿಬ್ಬಂದಿ.
ಸಿರವಾರ: ಪಟ್ಟಣದ ವಿದ್ಯುತ್ ಪರಿವರ್ತಕ ದುರಸ್ತಿ ಕೇಂದ್ರಕ್ಕೆ ಗುರುವಾರ ಮಧ್ಯಾಹ್ನ ಬೆಂಕಿ ತಗುಲಿ ಟಿಸಿ ಸೇರಿದಂತೆ ಇತರ ವಸ್ತುಗಳು ಸುಟ್ಟು ಭಸ್ಮವಾಗಿವೆ.
ರಾಯಚೂರು ರಸ್ತೆಯಲ್ಲಿರುವ ಟಿಸಿ ದುರಸ್ತಿ ಕೇಂದ್ರದ ಪಕ್ಕದಲ್ಲಿರುವ ಹೊಲದಲ್ಲಿ ಕಸ ಸುಡಲು ಹಚ್ಚಿದ ಬೆಂಕಿಯ ಕಿಡಿ ಗಾಳಿಗೆ ದುರಸ್ತಿ ಕೆಂದ್ರ ಪಕ್ಕದಲ್ಲಿರುವ ಕಸಕ್ಕೆ ಬಿದ್ದ ಪರಿಣಾಮ ಟಿಸಿ ಆಯಿಲ್, ವಿದ್ಯುತ್ ಪರಿವರ್ತಕ ಸುಟ್ಟು ಅಪಾರ ನಷ್ಟವಾಗಿದೆ.
ಸ್ಥಳಕ್ಕೆ ಅರಕೇರಾ ಅಗ್ನಿಶಾಮಕ ದಳ ದೌಡಾಯಿಸಿ ಬೆಂಕಿ ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿತು.