ಮಾನ್ವಿ ಕಿಲ್ಲಾ ಪ್ರದೇಶದಲ್ಲಿ ದೊರೆತ ಪ್ರಾಚೀನ ತಾಮ್ರದ ನಾಣ್ಯಗಳು. ಮಾನ್ವಿ ಕಿಲ್ಲಾ ಪ್ರದೇಶದಲ್ಲಿ ತಾಮ್ರದ ನಾಣ್ಯಗಳು ಪತ್ತೆಯಾದ ಸ್ಥಳಕ್ಕೆ ತಹಸೀಲ್ದಾರ್ ಭೀಮರಾಯ ರಾಮಸಮುದ್ರ ಭೇಟಿ ನೀಡಿ ಪರಿಶೀಲಿಸಿದರು. ಪುರಸಭೆ ಮುಖ್ಯಾಧಿಕಾರಿ ಪರಶುರಾಮ ಬಿ.ದೇವಮಾನೆ, ಕಂದಾಯ ನಿರೀಕ್ಷಕರಾದ ಚರಣಸಿಂಗ್, ಸಿಬ್ಬಂದಿ ಇದ್ದರು.
- ಮನೆಗೆ ಅಡಿಪಾಯ ಅಗೆಯುವಾಗ ಪತ್ತೆ
- ಮಾನ್ವಿ ನಾಣ್ಯಗಳು ಪೊಲೀಸ್ ಇಲಾಖೆಗೆ
ಮಾನ್ವಿ: ಕಿಲ್ಲಾ ಪ್ರದೇಶದಲ್ಲಿ ಮನೆಗೆ ಅಡಿಪಾಯ ಅಗೆಯುವಾಗ ಪ್ರಾಚೀನ 360 ತಾಮ್ರದ ನಾಣ್ಯಗಳು ಪತ್ತೆಯಾಗಿವೆ. ಮಾಹಿತಿ ಮೇರೆಗೆ ತಹಸೀಲ್ದಾರ್ ಭೀಮರಾಯ ರಾಮಸಮುದ್ರ ಸ್ಥಳಕ್ಕಾಗಮಿಸಿ ನಾಣ್ಯಗಳನ್ನು ವಶಕ್ಕೆ ಪಡೆದು ಪೊಲೀಸ್ ಇಲಾಖೆಗೆ ನೀಡಿದ್ದಾರೆ.
ನಾಣ್ಯಗಳ ಮೇಲೆ ಉರ್ದು ಲಿಪಿಯಿದ್ದು, ಈ ಭಾಗದಲ್ಲಿ ಆಡಳಿತ ನಡೆಸಿದವರ ಕಾಲಮಾನದಲ್ಲಿ ಚಲಾವಣೆ ಇರುವ ನಾಣ್ಯಗಳಾಗಿರಬಹುದು ಎಂದರು. ಪುರಸಭೆ ಮುಖ್ಯಾಧಿಕಾರಿ ಪರಶುರಾಮ ಬಿ.ದೇವಮಾನೆ, ಕಂದಾಯ ನಿರೀಕ್ಷಕ ಚರಣಸಿಂಗ್, ಕಂದಾಯ ಇಲಾಖೆ ಅಧಿಕಾರಿಗಳು, ಪುರಸಭೆ ಸಿಬ್ಬಂದಿ ಇದ್ದರು.