ಮಂಗಳೂರು: ತುಳು ಕನ್ನಡ ಸಾರಸ್ವತ ಲೋಕಕ್ಕೆ ತುಳು ವಿದ್ವಾಂಸ, ಸಂಶೋಧಕ ದಿ.ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರ ಕೊಡುಗೆ ಅಪಾರ ಎಂದು ನಿಟ್ಟೆ ವಿಶ್ವವಿದ್ಯಾನಿಲಯದ ಡಾ. ಕೆ. ಆರ್. ಶೆಟ್ಟಿ ತುಳು ಅಧ್ಯಯನ ಕೇಂದ್ರದ ಯೋಜನಾ ಸಹಾಯಕಿ ಶ್ರುತಿ ಅಮೀನ್ ಕೆ. ಹೇಳಿದರು.
ನಿಟ್ಟೆ ವಿಶ್ವವಿದ್ಯಾನಿಲಯದ ಡಾ.ಕೆ. ಆರ್. ಶೆಟ್ಟಿ ತುಳು ಅಧ್ಯಯನ ಕೇಂದ್ರದ ಸಹಯೋಗದಲ್ಲಿ ನಡೆದ ತುಳು ವಿದ್ವಾಂಸ, ಸಂಶೋಧಕ ದಿ.ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಇಂದು ವಿಶ್ವಮಾನ್ಯವಾಗುತ್ತಿರುವ ತುಳು ಭಾಷೆಗೂ ಒಂದು ಲಿಪಿಯಿದೆ, ಈಗಾಗಲೇ ತುಳುಲಿಪಿಯಲ್ಲಿ ಹಳೆಯ ಗ್ರಂಥಗಳನ್ನು ಸಂಶೋಧಿಸಲಾಗಿದೆ. ಇಂತಹ ಸಂಶೋಧನೆಯಲ್ಲಿ ಪುಣಿಂಚಿತ್ತಾಯರ ಕೊಡುಗೆ ಹೆಚ್ಚಿದೆ. ತುಳು ಶಬ್ದಗಳ ಅರ್ಥದ ಕುರಿತು ವಿಶೇಷ ವಿಶ್ಲೇಷಣೆಗಳನ್ನು ನಡೆಸಿದ ಹಾಗೂ ತುಳು ಕನ್ನಡ ಸಾರಸ್ವತ ಲೋಕಕ್ಕೆ ಪುಣಿಂಚಿತ್ತಾಯರ ಕೊಡುಗೆ ಸ್ಮರಣೀಯ ಎಂದರು.
ಕೇಂದ್ರದ ಸಂಯೋಜಕಿ ಡಾ. ಸಾಯಿಗೀತಾ ಅಧ್ಯಕ್ಷತೆ ವಹಿಸಿದ್ದರು. ಉದ್ಯಮಿ ಶ್ರೀಕರ ಶೆಟ್ಟಿ ತೋಕೂರುಗುತ್ತು ಉಪಸ್ಥಿತರಿದ್ದರು.
ಶಿಕ್ಷಕಿ ವಿಜಯಲಕ್ಷ್ಮಿ ಕಟೀಲು ಮತ್ತು ಸಾಹಿತಿ ಪ್ರವೀಣ ಅಮ್ಮೆಂಬಳ ಅವರು ಪುಣಿಂಚಿತ್ತಾಯರಿಂದ ರಚಿತವಾದ ಕವನ ಹಾಡಿದರು. ವಿಜಯಲಕ್ಷ್ಮಿ ಕಟೀಲು ಪ್ರಾರ್ಥಿಸಿದರು. ವಿವಿ ತುಳು ಸ್ನಾತಕೋತ್ತರ ವಿಭಾಗದ ಉಪನ್ಯಾಸಕಿ ಜಯಲಕ್ಷ್ಮಿ ಆರ್. ಶೆಟ್ಟಿ ವಂದಿಸಿರು. ನಿಟ್ಟೆ ವಿದ್ಯಾರ್ಥಿನಿ ಚಿರಶ್ರೀ ಕಾರ್ಯಕ್ರಮ ನಿರೂಪಿಸಿದರು.
ಕಾರ್ಯಕ್ರಮದ ಮುಂದುವರಿಕೆಯಾಗಿ ನವರಾತ್ರಿಯ ಶಾರದಾ ಪೂಜೆ ನೆರವೇರಿಸಲಾಯಿತು. ಅದರ ಅಂಗವಾಗಿ ಭಜನೆ ಹಾಗೂ ಸಂಕ್ಷಿಪ್ತ ದೇವೀ ಮಹಾತ್ಮೆ ವಾಚನ ಇತ್ಯಾದಿಗಳನ್ನು ನಡೆಸಲಾಯಿತು.
ಎಂಎನ್ಜಿ-15ಅ.ನಿಟ್ಟೆ ತುಳು
ನಿಟ್ಟೆ ವಿಶ್ವವಿದ್ಯಾನಿಲಯದ ಡಾ.ಕೆ. ಆರ್. ಶೆಟ್ಟಿ ತುಳು ಅಧ್ಯಯನ ಕೇಂದ್ರದ ಸಹಯೋಗದಲ್ಲಿ ನಡೆದ ತುಳು ವಿದ್ವಾಂಸ, ಸಂಶೋಧಕ ದಿ.ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಕೇಂದ್ರದ ಯೋಜನಾ ಸಹಾಯಕಿ ಶ್ರುತಿ ಅಮೀನ್ ಕೆ. ಮಾತನಾಡಿದರು.