ಹರಪನಹಳ್ಳಿ: ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ರಾಜ್ಯಕ್ಕೆ 6ನೇ ರ್ಯಾಂಕ್ ಗಳಿಸಿದ (600 ಕ್ಕೆ 587 ಅಂಕ) ಸಮಾಜ ಕಲ್ಯಾಣ ಇಲಾಖೆಯ ಸರ್ಕಾರಿ ಬಾಲಕರ ಮೆಟ್ರಿಕ್ ನಂತರದ ವಿದ್ಯಾರ್ಥಿನಿಲಯದ, ನಂ.2 ವಸತಿನಿಲಯದ ವಿದ್ಯಾರ್ಥಿ ಓಂಪತಿಯನ್ನು ಇಲಾಖಾ ಕಚೇರಿಯಲ್ಲಿ ಸೋಮವಾರ ಸನ್ಮಾನಿಸಲಾಯಿತು.
ಈ ವೇಳೆ ಮಾತನಾಡಿದ ಓಪತಿ, ನಾನು ಕೃಷಿ ಕುಟುಂಬದಿಂದ ಬಂದಿದ್ದೇನೆ. 2 ವರ್ಷ ಸಮಾಜ ಕಲ್ಯಾಣ ಇಲಾಖೆಯ ಹಾಸ್ಟೆಲ್ ಸೌಲಭ್ಯ ಪಡೆದು ಅಭ್ಯಾಸ ಮಾಡಿದ್ದೇನೆ. ಅಧಿಕಾರಿಗಳು, ವಾರ್ಡನ್ಗಳು, ಸಿಬಂಧಿ ಉತ್ತಮ ಮಾರ್ಗದರ್ಶನ ನೀಡಿದ್ದಾರೆ ಎಂದು ಸ್ಮರಿಸಿದರು. ಸಮಾಜ ಕಲ್ಯಾಣ ಇಲಾಖೆ ನಿರ್ದೇಶಕಿ ರೇಣುಕಾದೇವಿ, ಪ್ರಮುಖರಾದ ಸುನೀತಾ, ಎಸ್.ಜಿ.ರವಿಗೌಡರ, ಯಲ್ಲಮ್ಮ, ಸುಮಾ, ಇಬ್ರಾಹಿಂ ಇತರರು ಇದ್ದರು.