ಕನಕಪುರ: ಬೊಮ್ಮಸಂದ್ರದ ಬಳಿ ಉಳಿದಿದ್ದ ಒಂದು ಸಜೀವ ಸ್ಪೋಟಕವನ್ನು ಮಂಗಳವಾರ ನಿಷ್ಕ್ರಿಯಗೊಳಿಸಲಾಗಿದೆ. ತಾಮ್ರ ಸಂಗ್ರಹಿಸುವ ಆಸೆಯಿಂದ ಕೆಲವರು ಕಳೆದ ಗುರುವಾರ ಬೊಮ್ಮಸಂದ್ರದಲ್ಲಿ ಹಳೆಯ ಮಲ್ಟಿ ಪ್ಲೈ ಮಾರ್ಟರ್ ಲಾಂಚರ್ ಕಿಟ್ ಅನ್ನು ಬೆಂಕಿ ಹಚ್ಚಿ ಸ್ಪೋಟಿಸಿದ್ದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಾವೇರಿ ವನ್ಯಜೀವಿ ಅರಣ್ಯಪ್ರದೇಶದ ಆರ್ಎಫ್ಒ ಕಿರಣ್ಕುಮಾರ್ ಕರತಂಗಿ ಸಾತನೂರು ಪೊಲೀಸರಿಗೆ ಸೋಮವಾರ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು.
ಇದನ್ನೂ ಓದಿ: ಠಾಣೆಯಲ್ಲೇ ಆತ್ಮಹತ್ಯೆಗೆ ಮಹಿಳೆ ಯತ್ನ
ಸಜೀವ ಬಾಂಬ್ ಉಳಿದ ಹಿನ್ನೆಲೆಯಲ್ಲಿ ರಾಜ್ಯ ಆಂತರಿಕ ಮತ್ತು ಭದ್ರತೆ ವಿಭಾಗದ ಎಡಿಜಿಪಿ ಬಿ.ಎಸ್.ಸಂಧು ನೇತೃತ್ವದಲ್ಲಿ ಸ್ಥಳಕ್ಕೆ ಮಂಗಳವಾರ ಭೇಟಿ ನೀಡಿ ಸಜೀವ ಸ್ಪೋಟಕ ನಿಷ್ಕ್ರಿಯಗೊಳಿಸಲಾಯಿತು. ಪ್ರಕರಣದ ಗಂಭೀರತೆ ಮನಗಂಡಿರುವ ಎಸ್ಪಿ ಅನೂಪ್ ಎ. ಶೆಟ್ಟಿ, ತನಿಖೆಗಾಗಿ ಕನಕಪುರ ಸಿಪಿಐ ಕೆ. ಪ್ರಕಾಶ್ ನೇತೃತ್ವದಲ್ಲಿ ತಂಡ ರಚಿಸಿದ್ದಾರೆ.
ಮಿಲಿಟರಿ ಶಸ್ತ್ರಾಸ್ತ್ರ: ಈ ಬಾಂಬುಗಳನ್ನು 2002ರಲ್ಲಿ ಮಿಲಿಟರಿ ತರಬೇತಿ ಸಮಯದಲ್ಲಿ ಬಿಟ್ಟು ಹೋಗಿರಬಹುದು ಎಂಬ ಸಂಶಯ ವ್ಯಕ್ತವಾಗಿದೆ.