ವಿಜಯವಾಣಿ ಸುದ್ದಿಜಾಲ ಚಿಂತಾಮಣಿ
ನಗರದ ಎಪಿಎಂಸಿ ಮಾರುಕಟ್ಟೆ ಪ್ರಾಂಗಣದ ಕಟ್ಟಡದಲ್ಲಿ ದಶಕಗಳ ನಂತರ ಚಿಂತಾಮಣಿ ತಾಲೂಕು ಪ್ರಾಥಮಿಕ ಸಹಕಾರ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ಗೆ ಜಿಲ್ಲಾ ಉಸ್ತುವಾರಿ ಸಚಿವ ಡಾ.ಎಂ.ಸಿ.ಸುಧಾಕರ್ ಮಂಗಳವಾರ ಚಾಲನೆ ನೀಡಿದರು.
ಸಚಿವ ಮಾತನಾಡಿ, ಚಿಂತಾಮಣಿಯಲ್ಲಿ ಪಿಎಲ್ಡಿ ಬ್ಯಾಂಕ್ನ್ನು 34 ವರ್ಷಗಳ ಹಿಂದೆ ನಿಲ್ಲಿಸಿದ್ದರೂ, 1999ರಲ್ಲಿ ಬ್ಯಾಂಕ್ ವಹಿವಾಟು ಸ್ಥಗಿತಗೊಂಡಿತ್ತು ಅದನ್ನು ಮತ್ತೆ ಪ್ರಾರಂಭ ಮಾಡಬೇಕೆಂದು 2011&12 ರಲ್ಲಿ ಗುಟ್ಟಾಗಿ ಪ್ರಯತ್ನವಾಗಿತ್ತು ಎಂದರು.
ಆದರೆ ನಾನು ಅಂದಿನ ಸಹಕಾರ ಸಚಿವರಾಗಿದ್ದ ಪುಟ್ಟಸ್ವಾಮಿಗೌಡರು ಇದೀಗ ಸ್ವಾಮೀಜಿ ಆಗಿದ್ದಾರೆ ಅವರೊಂದಿಗೆ ಚರ್ಚೆ ನಡೆಸಿ ಕಾನೂನು ಬದ್ಧವಾಗಿ ಪ್ರಾರಂಭ ಮಾಡುವಂತೆ ಒತ್ತಡ ಹೇರಿದ ಪರಿಣಾಮ ಸ್ಥಗಿಗೊಂಡಿತ್ತು ಎಂದ ಸಚಿವರು ಅಂದಿನಿಂದ ಈ ಬ್ಯಾಂಕ್ ಕಡೆ ಯಾರು ಗಮನಕೊಡಲೇ ಇಲ್ಲ ಎಂದರು.
ಪಿಎಲ್ಡಿ ಬ್ಯಾಂಕ್ 1989ರಲ್ಲಿ ಚುನಾವಣೆ ನಡೆದಾಗ ನಮ್ಮ ತಂದೆಯವರು ಮತ್ತು ವೇಮಗಲ್ನ ಸಿ.ಬೈರೇಗೌಡರ ಬೆಂಬಲಿಗರ ನಡುವೆ ಗಲಾಟೆಯಾಗಿ, ಲಾಠಿಚಾರ್ಜ ಮತ್ತು ಗಾಳಿಯಲ್ಲಿ
ಗುಂಡು ಸಹಾ ಹಾರಿಸಿದ್ದನ್ನು ಸಚಿವರು ನೆನಪಿಸಿದರು.
ಸರ್ಕಾರ ಮತ್ತು ಸ್ಥಳಿಯ ಮುಖಂಡರ ಸಹಕಾರದಿಂದ ಬ್ಯಾಂಕ್ ಕಾರ್ಯಾಚರಣೆ ಸುಗಮಗೊಳಿಸಲು ಒಪ್ಪಂದ ಮಾಡಿಕೊಂಡಿದ್ದು, ರೈತರಿಗೆ ಸಾಲ, ಬಡ್ಡಿ ಮನ್ನಾ ಯೋಜನೆ, ಸದಸ್ಯತ್ವ ವೃದ್ಧಿ ಹಾಗೂ ವಾರ್ಷಿಕ ಸಭೆಗಳ ಮೂಲಕ ಸಂಟನೆಯ ಸಬಲೀಕರಣದ ಮಾಡಬೇಕು. ಬ್ಯಾಂಕ್ ಪುನಶ್ಚೇತನವು ಗ್ರಾಮೀಣ ಆರ್ಥಿಕತೆಯಲ್ಲಿ ಸಕಾರಾತ್ಮಕ ಬದಲಾವಣೆ ತರುವುದನ್ನು ನಿರೀಸಲಾಗಿದೆ. ಜತೆಗೆ ಸ್ಥಳಿಯ ಅಭಿವೃದ್ಧಿ, ಸಾಲದ ನಿಗ್ರಹ, ಸದಸ್ಯರ ಸಕ್ರಿಯ ಪಾಲ್ಗೊಳ್ಳುವಿಕೆ
ಉತ್ತೇಜಿಸುವ ಕಾರ್ಯಗಳು ಮುಂದುವರಿಯವಂತೆ ಸೂಚಿಸಿದರು.