ತ್ಯಾಜ್ಯಗಳಿಗೆ ಸರ್ಕಾರಿ 'ನಿವೇಶನ' ಆಸರೆ!!

ಆಸ್ಪತ್ರೆಯ ಜಾಗದಲ್ಲಿ ಕಸ ಎಸೆಯುವ ದುರುಳರು

ಹೇಳೋರು-ಕೇಳೋರು ಇಲ್ಲಿಲ್ಲ ಯಾರೂ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಸ್ಥಳೀಯ ಆಡಳಿತದಲ್ಲಿ ಬಿಗಿ ಹಿಡಿತ ಇಲ್ಲದಿದ್ದರೆ ಸಾರ್ವಜನಿಕರಿಗೂ ಸಹ ಯಾರದೇ ಭಯ ಇರುವುದಿಲ್ಲ ಎನ್ನುವುದಕ್ಕೆ ನಗರಸಭೆಯ ಸಮೀಪದಲ್ಲೇ ಇರುವ ಸರ್ಕಾರಿ ಹಾಜೀ ಅಬ್ದುಲ್ಲಾ ತಾಯಿ ಮತ್ತು ಮಕ್ಕಳ ಆಸ್ಪತ್ರೆ ನಿದರ್ಶನವಾಗಿದೆ.

ಅನಾರೋಗ್ಯಕ್ಕೊಳಗಾದ ಜನರ ಆರೋಗ್ಯ ಸುಧಾರಿಸುವ ಈ ಆಸ್ಪತ್ರೆಯ ಪಕ್ಕದ ನಿವೇಶನವೀಗ ಕಸ-ತ್ಯಾಜ್ಯಗಳ ಕೊಂಪೆಯಾಗಿದೆ. ಪರಿಸರದಲ್ಲಿ ಗಬ್ಬು ವಾಸನೆ ಉಂಟಾಗಿದ್ದು, ಈ ಮಾರ್ಗದಲ್ಲಿ ಸಾಗುವವರಿಗೂ ಅಸಹ್ಯವಾಗತೊಡಗಿದೆ.

ಹೊರಗಿನವರ ತ್ಯಾಜ್ಯ

ಇದು ಆಸ್ಪತ್ರೆಗೆ ಸಂಬಂಧಿಸಿದ ಕಸವೂ ಅಲ್ಲ. ನಗರದ ಕೆಲ ಅಂಗಡಿ ಹಾಗೂ ಮನೆಗಳವರು ಇಲ್ಲಿ ಕಸ ಎಸೆಯುತ್ತಾರೆ ಎಂಬ ಆರೋಪ ಕೇಳಿ ಬಂದಿದೆ. ನಿರ್ಮಾಣ ಹಂತದಲ್ಲಿರುವ ಕಟ್ಟಡಗಳ ತ್ಯಾಜ್ಯವನ್ನೂ ಇಲ್ಲಿಗೇ ತಂದು ಸುರಿಯಲಾಗಿದೆ. ನಗರದಲ್ಲಿ ಹೊಸ ಮಳಿಗೆಗೆಳ ಉದ್ಘಾಟನೆ, ಕಾರ್ಯಕ್ರಮಗಳ ಬಳಿಕ ಉಂಟಾಗುವ ತ್ಯಾಜ್ಯಗಳಿಗೆ ಸರ್ಕಾರಿ ಆಸ್ಪತ್ರೆಯ ನಿವೇಶನ ಆಸರೆಯಾಗಿರುವುದು ನಿಜಕ್ಕೂ ವಿಪರ್ಯಾಸ.

ತಡೆಬೇಲಿ ಮುರಿದು ಹಾನಿ