ಪಾಂಡುರಂಗ ಮೂರ್ತಿಯ ಮೆರವಣಿಗೆ ಅದ್ದೂರಿ

ಹಗರಿಬೊಮ್ಮನಹಳ್ಳಿ: ಭಾವಸಾರ ಕ್ಷತ್ರಿಯ ಸಮುದಾಯದಿಂದ 50ನೇ ವರ್ಷದ ಸುವರ್ಣ ದಿಂಡಿ ಮಹೋತ್ಸವ ಬುಧವಾರ ಜರುಗಿತು.

ಇದನ್ನೂ ಓದಿ: ಬೂದನಗುಡ್ಡ ಬಸವಣ್ಣ ಪಲ್ಲಕ್ಕಿ ಮಹೋತ್ಸವ

ಉತ್ಸವದ ನಿಮಿತ್ತ ರಾಮನಗರದ ವಿಠ್ಠಲ ದೇವಸ್ಥಾನದಲ್ಲಿ ಕೊಪ್ಪಳದ ಕೃಷ್ಣಾಜೀ ಅಣ್ಣಾ ಡೊಂಗ್ರಪ್ಪ ಜ್ಞಾನಮೋರೆ ಮಾರ್ಗದರ್ಶನದಲ್ಲಿ 5ದಿನಗಳ ಕಾಲ ಭಜನೆ, ಅಖಂಡ ವೀಣಾ ಜಾಗರಣೆ, ಕೀರ್ತನೆಗಳು, ಕಾಕಡಾರತಿ, ಪಾರಾಯಣ, ನಾಮಜಪ, ಪ್ರವಚನ ನಡೆದವು.

ಕೊನೆಯ ದಿನವಾದ ಬುಧವಾರ ಬೆಳ್ಳಿ ರಥದಲ್ಲಿ ಪಾಂಡುರಂಗ ಮೂರ್ತಿಯೊಂದಿಗೆ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಅದ್ದೂರಿ ಮೆರವಣಿಗೆ ನಡೆಸಲಾಯಿತು. ಹೂವಿನಹಡಗಲಿ, ಕೊಟ್ಟೂರು, ಹರಪನಹಳ್ಳಿ, ಲಕ್ಷ್ಮೇಶ್ವರ, ಹುಬ್ಬಳ್ಳಿಯಿಂದ ಬಂದಿದ್ದ ಸಮುದಾಯದವರು ಭಾಗವಹಿಸಿದ್ದರು.