ದೀಪಾವಳಿಗೆ 'ಆಪರೇಷನ್​ ಸಿಂಧೂರ' ಆಕಾಶದೀಪ

ಸಹಕಾರ ಭಾರತಿ ಉಡುಪಿ ಜಿಲ್ಲೆ ಅವರ ಸಹಯೋಗದಲ್ಲಿ ಪರ್ಕಳದ ಶ್ರೀ ಮಹಾಲಿಂಗೇಶ್ವರ, ಮಹಾಗಣಪತಿ, ಮಹಿಷಮರ್ಧಿನಿ ದೇಗುಲದ ಮುಂಭಾಗದ ರಸ್ತೆ ಮಾರ್ಗದಲ್ಲಿ ಆಕಾಶದೀಪ ಅಳವಡಿಸಲಾಗಿದೆ. 8 ಅಡಿ ಎತ್ತರದ ಗೂಡುದೀಪವನ್ನು ಎರಡು ಕಂಬಗಳ ಮಧ್ಯೆ ಹಗ್ಗದಲ್ಲಿ ಕಟ್ಟಿ ಇಡಲಾಗಿದ್ದು, ಅದರೊಳಿನ ವಿದ್ಯುತ್​ ದೀಪದ ಬೆಳಕಿನಿಂದ  ಕಂಗೊಳಿಸುತ್ತಿದೆ. ರಸ್ತೆ ಮಾರ್ಗದಲ್ಲಿ ಸಂಚರಿಸುವವರನ್ನು ಈ ಬೃಹತ್​ ಆಕಾಶ ದೀಪ ಗಮನ ಸೆಳೆಯುತ್ತಿದ್ದು, ಆಪರೇಷನ್​ ಸಿಂಧೂರ ಯುದ್ಧದ ಸಾಧನೆಯನ್ನೂ ಮತ್ತೊಮ್ಮೆ ನೆನಪಿಸುತ್ತಿದೆ.

ಭಾರತೀಯ ಯುದ್ಧ ವಿಮಾನಗಳ ಹಾಗೂ ಸೈನಿಕರ ಶಕ್ತಿ ಸ್ಮರಣೆ, ಭಯೋತ್ಪಾದನೆಗಿಲ್ಲ ಯಾವುದೇ ಸಹಿಷ್ಣುತೆ, ನ್ಯಾಯ ಸಲ್ಲಿಸಿದರು ಎಂದು ಅರ್ಥ ಬರುವಂತೆ ಆಕಾಶ ದೀಪದ ವಿವಿಧ ಪಾರ್ಶ್ವಗಳಲ್ಲಿ ಇಂಗ್ಲಿಷ್​ನಲ್ಲಿ ಮುದ್ರಿಸಲಾಗಿದೆ. ಒಂದು ಬದಿಯಲ್ಲಿ, ಆಕಾಶದಲ್ಲಿ ಹಾರಾಡುತ್ತ ಭಯೋತ್ಪಾದಕರ ನೆಲೆಯ ಮೇಲೆ ಕ್ಷಿಪಣಿ ದಾಳಿ ನಡೆಸುತ್ತಿರುವ ಯುದ್ಧ ವಿಮಾನದ ಚಿತ್ರ ಅಳವಡಿಸಲಾಗಿದೆ. ದೇಶವಾಸಿಗರ ಜೀವರಕ್ಷಣೆಯಲ್ಲಿ ನಿರತ ಎಲ್ಲ ಸೇನಾನಿಗಳಿಗೆ ದೀಪಾವಳಿ ಹಬ್ಬದ ಸುಭಾಶಯ ತಿಳಿಸಲು ಹಾಗೂ ನಾವೆಲ್ಲ ಸುರಕ್ಷಿತವಾಗಿರಲು ಅವರೇ ಕಾರಣ ಎನ್ನುವುದನ್ನು ಜನಮಾನಸಕ್ಕೆ ನೆಪಿಸಲು ಈ ಆಕಾಶ ದೀಪ ನಿರ್ಮಿಸಿದ್ದೇವೆ ಎಂದು ವಾಲಿಬಾಲ್​ ಫ್ರೆಂಡ್ಸ್​ ಪರ್ಕಳ ತಿಳಿಸಿದೆ.