ಓಮನ್​ ದೇಶದ ಬೋಟ್​ ವಶ, ಮೂವರು ಬಂಧನ...

ಮಲ್ಪೆ ಆಳ ಸಮುದ್ರದಲ್ಲಿ ಶಂಕಾಸ್ಪದ ಸಂಚಾರ

ಉಡುಪಿ ಕರಾವಳಿ ಕಾವಲು ಪೊಲೀಸ್​ ಪಡೆ ಕಾರ್ಯಾಚರಣೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಮಲ್ಪೆ ಸಮುದ್ರದ ಸೈಂಟ್​ ಮೇರಿಸ್​ ದ್ವೀಪದ ಸಮೀಪದಲ್ಲಿ ಶಂಕಾಸ್ಪದವಾಗಿ ಸಂಚರಿಸುತ್ತಿದ್ದ ಶಟ್ಟಾಫ್ ಲಾಂಚ್​ ಮೆನ್ಯುಫೆಕ್ಚರಿಂಗ್​ (SHATTAF LAUNCH MANUFACTURING) ಹೆಸರಿನ ಓಮನ್​ ದೇಶದ ಮೀನಾಗರಿಕಾ ಬೋಟ್​ ವಶಕ್ಕೆ ಪಡೆದಿರುವ ಜಿಲ್ಲಾ ಕರಾವಳಿ ಕಾವಲು ಪೊಲೀಸ್​ ಪಡೆ, ಮೂವರನ್ನು ಬಂಧಿಸಿದೆ.

ಸಿಎಸ್​ಪಿ ಕಾರ್ಯಾಚರಣೆ

ಮಲ್ಪೆಯ ಕೋಸ್ಟಲ್​ ಸೆಕ್ಯುರಿಟಿ ಪೊಲೀಸ್​ (ಸಿಎಸ್​ಪಿ) ಠಾಣೆಗೆ ಬಂದ ಖಚಿತ ಮಾಹಿತಿಯಂತೆ ಫೆ.23ರಂದು ಸಂಜೆ ಸೈಂಟ್​ ಮೇರಿಸ್​ ದ್ವೀಪದ ಬಳಿ ತಪಾಸಣೆ ನಡೆಸಲಾಗಿತ್ತು. ಮಂಗಳೂರು ಕೋಸ್ಟ್​ ಗಾರ್ಡ್​ ಅಧಿಕಾರಿ ಹಾಗೂ ಸಿಬ್ಬಂದಿ ಸಹಕಾರದೊಂದಿಗೆ ಸಂಶಯಾಸ್ಪದವಾಗಿ ನಿಂತಿದ್ದ ವಿದೇಶಿ ಬೋಟ್​ ವಶಕ್ಕೆ ತೆಗೆದುಕೊಳ್ಳಲಾಗಿದೆ.

ಅಧಿಕಾರಿಗಳಿಂದ ತಪಾಸಣೆ

ಇಂಡಿಯನ್​ ಕೋಸ್ಟ್​ ಗಾರ್ಡ್​ನ ಸಿಎಸ್​ಪಿ, ಕೇಂದ್ರ ಗುಪ್ತಚರ ದಳ, ಕಸ್ಟಮ್ಸ್​, ಶ್ವಾನದಳ, ಬೆರಳಚ್ಚು ತಜ್ಞರು ಮತ್ತು ಅಧಿಕಾರಿಗಳು ತೆರಳಿ ಜಂಟಿ ಪರಿಶೀಲನೆ ನಡೆಸಿದರು. ಬೋಟ್​ನಲ್ಲಿ ಯಾವುದೇ ಸಂಶಯಾಸ್ಪದ ವಸ್ತು ದೊರೆತಿಲ್ಲ.

ಮಲ್ಪೆಯಲ್ಲಿ ಪ್ರಕರಣ ದಾಖಲು

ಜಂಟಿ ಕಾರ್ಯಾಚರಣೆ ಮತ್ತು ತನಿಖೆಯಲ್ಲಿ ಜಿಲ್ಲಾ ಕರಾವಳಿ ಕಾವಲು ಪೊಲೀಸ್​ ಘಟಕದ ವರಿಷ್ಠ ಮಿಥುನ್​. ಎಚ್​.ಎನ್​., ಮಂಗಳೂರಿನ ಇಂಡಿಯನ್​ ಕೋಸ್ಟ್​ ಗಾರ್ಡ್​ ಕಮಾಂಡರ್​ ವಿಶಾಲ್​ ರಾಣಾ, ಸಿಎಸ್​ಪಿ ಕೇಂದ್ರ ಕಚೇರಿಯ ಪೊಲೀಸ್​ ಉಪಾಧೀಕ್ಷಕ ಟಿ.ಎಸ್​. ಸುಲ್ಪಿ, ಪೊಲೀಸ್​ ನಿರೀಕ್ಷಕ ಪ್ರಮೋದಕುಮಾರ್​ಪಿ., ಸಿಎಸ್​ಪಿ ಠಾಣೆಯ ಪೊಲೀಸ್​ ನಿರೀಕ್ಷಕ ಅನಂತಪದ್ಮನಾಭ, ಮಲ್ಪೆ ಸಿಎಸ್​ಪಿ ಠಾಣೆಯ ಪೊಲೀಸ್​ ನಿರೀಕ್ಷಕ ಲೋಕೇಶ್​, ಪೊಲೀಸ್​ ಉಪ ನಿರೀಕ್ಷಕರಾದ ಶಿವಶಂಕರ್​, ಫೆಮೀನಾ, ಕುಮಾರ್​ ಹಾಗೂ ಸಿಬ್ಬಂದಿ ಪಾಲ್ಗೊಂಡಿದ್ದರು.

ಪ್ರಾಣಭಯಕ್ಕೊಳಗಾಗಿದ್ದ ಮೀನುಗಾರರು!