ಹುಬ್ಬಳ್ಳಿ: ನಗರದ ವಿವಿಧೆಡೆಯ ಗಣೇಶ ಮಂಟಪದ ಕಡೆ ಗುಟ್ಕಾ, ಮದ್ಯಪಾನ ಹಾಗೂ ಧೂಮಪಾನದ ಜಾಹೀರಾತುಗಳ ಫ್ಲೆಕ್ಸ್ಗಳನ್ನು ಹಾಕಿಸಬಾರದು ಎಂದು ಒತ್ತಾಯಿಸಿ ಶ್ರೀರಾಮ ಸೇನೆ ಕಾರ್ಯಕರ್ತರು, ನಗರದಲ್ಲಿ ಬುಧವಾರ ಮಹಾನಗರ ಪಾಲಿಕೆ ಆಯುಕ್ತರಿಗೆ ಮನವಿ ಸಲ್ಲಿಸಿದರು.
ಗಣಪತಿ ಮಂಟಪದ ಕಡೆ ದೊಡ್ಡ ದೊಡ್ಡ ಜಾಹೀರಾತು ಫಲಕಗಳು ಇವೆ. ಇದರಿಂದ ಯುವಕರು ದಾರಿ ತಪ್ಪುವಂತಾಗಿದೆ. ಕೂಡಲೇ ಈ ಫಲಕಗಳನ್ನು ತೆರವುಗೊಳಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.
ಜಿಲ್ಲಾಧ್ಯಕ್ಷ ಅಣ್ಣಪ್ಪ ದಿವಟಗಿ, ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಮಂಜು ಕಾಟಕರ, ತಾಲೂಕು ಅಧ್ಯಕ್ಷ ಬಸ್ಸು ದುರ್ಗದ, ಪ್ರಮುಖರಾದ ಬಸ್ಸು ಗೌಡರ, ಪ್ರವೀಣ ಮಾಳದಕರ, ಬುಡ್ಡನಗೌಡ ಪಾಟೀಲ, ನಾಗರಾಜ ಹುರಕಡ್ಲಿ, ಇತರರು ಇದ್ದರು.