ಮಲ್ಪೆಯಿಂದ ಮಂಗಳೂರಿನತ್ತ ಸಾಗಿದ ನೌಕಾಯಾನ

ಮಂಗಳೂರಿಗೆ ತೆರಳಲಿರುವ ಐತಿಹಾಸಿಕ ಯಾತ್ರೆಯ ಈ ಸ್ಪರ್ಧೆಯನ್ನು ಮಲ್ಪೆಯ ಪ್ರವಾಸೋದ್ಯಮ ಜೆಟ್ಟಿಯಲ್ಲಿ ಕರ್ನಾಟಕ ಮತ್ತು ಗೋವಾ ನಿರ್ದೇಶನಾಲಯದ ಎನ್​ಸಿಸಿ ಉಪ ಮಹಾನಿರ್ದೇಶಕ ಏರ್​ ಕಮೋಡೋರ್​ ಎಸ್​.ಬಿ. ಅರುಣಕುಮಾರ್​ ವಿಎಸ್​ಎಂ ಹಾಗೂ ಅವರ ಪತ್ನಿ ವಿನಿತಾ ಅರುಣಕುಮಾರ್​ ಉದ್ಘಾಟಿಸಿ, ಕೆಡೆಟ್​ಗಳಿಗೆ ಶುಭ ಹಾರೈಸಿದರು.

ಸಮುದ್ರ ಯಾನದಲ್ಲಿ ಕಠಿಣ ತರಬೇತಿ, ಹಲವಾರು ಸುರಕ್ಷತಾ ಕವಾಯತು, ನದಿ ಹಾಗೂ ಸಮುದ್ರದಲ್ಲಿ ಸಂಚಾರದ ಮಾಹಿತಿ, ಚಾರಣ ಮತ್ತು ಉಡುಪಿ ಜಿಲ್ಲೆಯ ಸಂಸತಿ ಮತ್ತು ಪರಂಪರೆ ಅರಿತುಕೊಳ್ಳಲು ಕೆಡೆಟ್​ಗಳಿಗೆ ಈ ನೌಕಾಯಾನ ಆಯೋಜಿಸಲಾಗಿದೆ. ಬೀಚ್​ ಕ್ಲೀನ್​ಶಿಪ್​ ಡೆವ್​, ಪ್ರತಿಮೆಗಳ ಶುಚಿಗೊಳಿಸುವಿಕೆ, ಮಾದಕವಸ್ತು ದುಷ್ಪರಿಣಾಮ ಜಾಗೃತಿ, ಆರೋಗ್ಯ ಜಾಗೃತಿ ಕಾರ್ಯಾಗಾರ, ಸೇನೆ, ನೌಕಾಪಡೆ ಮತ್ತು ವಾಯುಪಡೆ ನೇಮಕಾತಿ ಅಧಿಕಾರಿಗಳ ಶೈಕ್ಷಣಿಕ ಕಾರ್ಯಾಗಾರ ಸೇರಿದಂತೆ ಸಾಮಾಜಿಕ ಸೇವೆ ಮತ್ತು ಸಮುದಾಯ ಅಭಿವೃದ್ಧಿಯ ಕುರಿತು ಕೆಡೆಟ್​ಗಳಿಗೆ ಮಾಹಿತಿ ನೀಡಲಾಗುತ್ತಿದೆ. ಇದು ಸ್ಪರ್ಧೆಯಷ್ಟೇ ಆಗಿರದೆ ಯುವಸಮುದಾಯಕ್ಕೆ ನಾಯಕತ್ವ, ಜವಾಬ್ದಾರಿಯ ಅರಿವು ಮೂಡಿಸುವ ಯಾತ್ರೆಯಾಗಿದೆ.