ಹಿಂದುಳಿದ ವರ್ಗಗಳ ಹೆಸರಿನಲ್ಲಿ ಹಣ ಪೋಲು

ಪ್ರಸ್ತುತ ಸರ್ಕಾರದ ಆಡಳಿತ ವೈಫಲ್ಯ ಹಾಗೂ ಹಿಂದುಳಿದ ವರ್ಗಗಳ ನಿರ್ಲಕ್ಷ್ಯದ ವಿರುದ್ಧ ಶನಿವಾರ ಸುದ್ದಿಗೋಷ್ಠಿಯಲ್ಲಿ ವಾಗ್ದಾಳಿ ನಡೆಸಿದರು. ಹಿಂದುಳಿದ ವರ್ಗಗಳ ಸಂಪೂರ್ಣ ಬೆಂಬಲವನ್ನು ಕ್ರೋಡೀಕರಿಸುವ ಹಾಗೂ ಸಮುದಾಯಗಳಲ್ಲಿ ರಾಜಕೀಯ ಜಾಗೃತಿ ಮೂಡಿಸುವ ಸಂಕಲ್ಪದೊಂದಿಗೆ ನಾನು ರಾಜ್ಯಾದ್ಯಂತ ಪ್ರವಾಸ ಮಾಡುತ್ತಿದ್ದೇನೆ. ಹಿಂದುಳಿದ ವರ್ಗಗಳಿಗೆ ಆಗಿರುವ ಸಾಮಾಜಿಕ ನ್ಯಾಯದ ಅಸಮತೋಲನವನ್ನು ಹೋಗಲಾಡಿಸಲು ಅವರ ಧ್ವನಿಯಾಗಿ ವಿಧಾನಪರಿಷತ್ತಿನ ಒಳಗೆ ಮತ್ತು ಹೊರಗೆ ಹೋರಾಟ ನಡೆಸಲಿದ್ದೇನೆ. ಪ್ರತಿ 10 ವರ್ಷಕ್ಕೊಮ್ಮೆ ಜಾತಿಗಳ ಸಾಮಾಜಿಕ ಗಣತಿಯಾಗಬೇಕು. ಆದರೆ ಇಂದಿನವರೆಗೆ ನಡೆದಿರುವ ಸಮೀಕ್ಷಾ ಕಾರ್ಯ ದೋಷಪೂರಿತವಾಗಿದೆ ಎಂದರು.

ಕಾಂತರಾಜು ವರದಿ ಯಾವುದಕ್ಕಾಗಿ ಇದೆ ಎಂದು ಜನರಿಗೆ ಇಂದಿಗೂ ತಿಳಿಯದಂತಾಗಿದೆ. 165 ಕೋಟಿ ರೂ. ವೆಚ್ಚದ ಈ ವರದಿ ನೀರಲ್ಲಿ ಹೋಮ ಮಾಡಿದಂತಾಗಿದೆ. ತದನಂತರ ಮುಖ್ಯಮಂತ್ರಿಗಳು ತಮ್ಮ ರಾಜೀನಾಮೆಯ ಹಿಂದಿನ ದಿನ ತರಾತುರಿಯಲ್ಲಿ ಮಧುಸೂದನ್ ನಾಯಕ್ ಸಮಿತಿಯ ವರದಿಯನ್ನು ಸ್ವೀಕರಿಸಿದರು. ಅಷ್ಟೊಂದು ತರಾತುರಿಯ ಅವಶ್ಯಕತೆ ಏನಿತ್ತು? ಆದರೂ ಸಿದ್ದರಾಮಯ್ಯ ಅವರು ಈ ಸಮೀಕ್ಷಾ ವರದಿಯನ್ನು ಬಹಿರಂಗಪಡಿಸಲಿಲ್ಲ ಎಂದರು.

ಹಿಂದುಳಿದ ವರ್ಗಗಳ ಬಗ್ಗೆ ದೊಡ್ಡ ಘೋಷಣೆಗಳನ್ನು ಮಾಡಿ ಅಧಿಕಾರ ಅನುಭವಿಸಿದರೇ ಹೊರತು, ಯಾವುದೇ ಕಲ್ಯಾಣ ಕಾರ್ಯಕ್ರಮ ಮಾಡಲಿಲ್ಲ. ಮಧುಸೂದನ್ ನಾಯಕ್ ಅವರ ವರದಿ ಬಿಡುಗಡೆ ಮಾಡುವ ಬದ್ಧತೆಯನ್ನೂ ತೋರಲಿಲ್ಲ. ಒಟ್ಟಾರೆಯಾಗಿ ಸಾಮಾಜಿಕ ಸಮೀಕ್ಷಾ ಕಾರ್ಯಕ್ಕೆ ಇದುವರೆಗೆ ಬರೋಬ್ಬರಿ 650 ಕೋಟಿ ರೂಪಾಯಿ (435 ಕೋಟಿ ರೂ. ಹಾಗೂ 165 ಕೋಟಿ ರೂ.) ವಿನಿಯೋಗಿಸಲಾಗಿದ್ದು, ಜನರ ತೆರಿಗೆ ಹಣ ಸಂಪೂರ್ಣ ಪೋಲಾಗಿದೆ. ಪ್ರಸ್ತುತ ಡಿ.ಕೆ.ಶಿವಕುಮಾರ್ ನೇತೃತ್ವದ ಸರ್ಕಾರ ತಕ್ಷಣವೇ ಈ ವರದಿಯನ್ನು ಅನಾವರಣಗೊಳಿಸಬೇಕು, ಇಲ್ಲದಿದ್ದರೆ ಹಿಂದುಳಿದ ವರ್ಗಗಳ ಸಮುದಾಯಗಳು ಜಾಗೃತವಾಗಿ ಉಗ್ರ ಹೋರಾಟ ನಡೆಸಲಿವೆ ಎಂದು ಎಚ್ಚರಿಸಿದರು.

ರೈತರಿಗೆ ‘ಬೆಳೆ ಬೆಳೆಯಬೇಡಿ’ ಎಂದು ಹೇಳಿದ ಉದಾಹರಣೆ ಇದ್ದರೆ ಅದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಮಾತ್ರ. ಇದು ಅತ್ಯಂತ ದುರಂತ ಹಾಗೂ ರೈತರಿಗೆ ಬಗೆದ ಅನ್ಯಾಯ. ರಾಜ್ಯದಲ್ಲಿ ಇಂದು ಎಲ್ಲ ಸಮುದಾಯಗಳೂ ಸಂಕಷ್ಟದಲ್ಲಿವೆ ಎಂದು ಆಕ್ರೋಶ ಹೊರಹಾಕಿದರು.