ಯಶಸ್ವಿ 'ಪೇರೆಂಟ್ ಕ್ರಾಫ್ಟ್ 2025': ಭಾವಿ ಪೋಷಕರಿಗೆ ಆತ್ಮವಿಶ್ವಾಸದ ಪಾಠ

ಪ್ರಸೂತಿ ಮತ್ತು ಸ್ತ್ರೀರೋಗ ವಿಭಾಗದ ತಜ್ಞ ವೈದ್ಯರಾದ ಡಾ. ಶಾಹೀನ್ ಅಖ್ತರ್ ಮತ್ತು ಡಾ. ಅಮೂಲ್ಯ ಕೆ. ಜಿ., ಮಕ್ಕಳ ತಜ್ಞರಾದ ಡಾ. ಅನಿಲ್ ಕುಮಾರ್ ವೈ. ಸಿ. ಅವರನ್ನೊಳಗೊಂಡ ತಜ್ಞರ ತಂಡವು ಈ ಕಾರ್ಯಕ್ರಮವನ್ನು ಮುನ್ನಡೆಸಿತು. ಫಿಸಿಯೋಥೆರಪಿ ಮತ್ತು ಆಹಾರ ತಜ್ಞರು ಸಹ ಭಾಗವಹಿಸಿ, ಗರ್ಭಾವಸ್ಥೆ ಪೂರ್ವ ಮತ್ತು ನಂತರದ ಆರೈಕೆ, ಹೆರಿಗೆಯ ವಿಧಾನಗಳು, ನವಜಾತ ಶಿಶುವಿನ ಆರೋಗ್ಯ ಮತ್ತು ತಾಯಿಯ ಆರೋಗ್ಯದ ಕುರಿತು ಸಮಗ್ರ ಚರ್ಚೆ ನಡೆಸಿದರು.

ಡಾ. ಶಾಹೀನ್ ಅಖ್ತರ್ (ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞರು): "ಕಲಿಯುವ ಉತ್ಸಾಹದಿಂದ ಭಾಗವಹಿಸಿರುವ ಭಾವಿ ಪೋಷಕರನ್ನು ನೋಡುವುದು ನಿಜಕ್ಕೂ ಸ್ಫೂರ್ತಿದಾಯಕವಾಗಿತ್ತು. ಆತ್ಮವಿಶ್ವಾಸದಿಂದ ಈ ತಾಯ್ತನದ ಪ್ರಯಾಣವನ್ನು ಸ್ವೀಕರಿಸಲು ಅವರಿಗೆ ಸ್ಪಷ್ಟತೆ, ಸಹಾಯ ಮತ್ತು ಭರವಸೆ ನೀಡುವುದು ನಮ್ಮ ಮುಖ್ಯ ಗುರಿಯಾಗಿತ್ತು," ಎಂದು ತಿಳಿಸಿದರು.

ಡಾ. ಅಮೂಲ್ಯ ಕೆ. ಜಿ. (ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞರು): "ವಿಶ್ವಾಸಾರ್ಹ ಮಾಹಿತಿ ಮತ್ತು ಸಮಗ್ರ ಮಾರ್ಗದರ್ಶನದೊಂದಿಗೆ ಪೋಷಕರನ್ನು ಪ್ರೋತ್ಸಾಹಿಸುವುದು 'ಪೇರೆಂಟ್ ಕ್ರಾಫ್ಟ್' ಉದ್ದೇಶವಾಗಿದೆ. ಭಾಗವಹಿಸಿದ ಪೋಷಕರು ಕೇಳಿದ ಉತ್ತಮ ಪ್ರಶ್ನೆಗಳು ಹಾಗೂ ಅವರ ಉತ್ಸಾಹದ ಪಾಲ್ಗೊಳ್ಳುವಿಕೆ, ಆರೋಗ್ಯಕರ ತಾಯ್ತನದ ಸಿದ್ಧತೆಗೆ ಈ ವೇದಿಕೆಗಳು ಅನಿವಾರ್ಯ ಎಂಬುದನ್ನು ಸ್ಪಷ್ಟವಾಗಿ ತೋರಿಸುತ್ತದೆ” ಎಂದರು.

ಡಾ. ಅನಿಲ್ ಕುಮಾರ್ ವೈ. ಸಿ. (ಮಕ್ಕಳ ತಜ್ಞರು): "ಈ ಸಭೆಯಲ್ಲಿ ನವಜಾತ ಶಿಶುವಿನ ಆರೈಕೆಯಲ್ಲಿರುವ ಆರಂಭದ ಕಷ್ಟಗಳು ಮತ್ತು ಮುಖ್ಯ ವಿಷಯಗಳ ಮೇಲೆ ನಾವು ಗಮನ ನೀಡಿದೆವು. ಮಗುವಿಗೆ ಹಾಲುಣಿಸುವ ರೀತಿಯಿಂದ ಹಿಡಿದು ಸೋಂಕು ಬರದಂತೆ ತಡೆಯುವವರೆಗೆ ಎಲ್ಲವನ್ನೂ ತಿಳಿಸಿದ್ದೇವೆ. ಪೋಷಕರಿಗೆ ಆಗ ಎದುರಾಗುವ ನಿಜವಾದ ಸಮಸ್ಯೆಗಳಿಗೆ ಉತ್ತರ ಕೊಡಲು ಮತ್ತು ಅವರ ಮಗುವಿನ ಆರೋಗ್ಯಕ್ಕಾಗಿ ಅನುಭವ ಆಧಾರಿತ ಮಾಹಿತಿಯನ್ನು ನೀಡಲು ಈ ಕಾರ್ಯಕ್ರಮವು ಬಹಳ ಸಹಾಯವಾಯಿತು," ಎಂದು ತಿಳಿಸಿದರು.

ಇದೇ ಸಂದರ್ಭದಲ್ಲಿ, ಫಿಸಿಯೋಥೆರಪಿ ತಂಡವು ಗರ್ಭಿಣಿಯರಿಗಾಗಿ ಸುರಕ್ಷಿತ ವ್ಯಾಯಾಮಗಳನ್ನು ನೇರವಾಗಿ ತೋರಿಸಿಕೊಟ್ಟರೆ, ಆಹಾರ ತಜ್ಞರ ತಂಡವು ಆರೋಗ್ಯಕರ ಅಡುಗೆ ಮಾಡುವ ವಿಧಾನವನ್ನು ಮಾಡಿ ತೋರಿಸಿತು. ಕಾರ್ಯಕ್ರಮದ ಮತ್ತೊಂದು ಮುಖ್ಯ ಭಾಗವೆಂದರೆ, ಗರ್ಭಧಾರಣೆಯ ಕುರಿತು ಇರುವ ತಪ್ಪು ಕಲ್ಪನೆಗಳು ಮತ್ತು ಸತ್ಯಗಳ ("ಮಿಥ್ಯೆ vs. ಸತ್ಯ") ಬಗ್ಗೆ ನಡೆದ ತಿಳುವಳಿಕೆಯ ಚರ್ಚೆ, ಅದರ ನಂತರ ಮೋಜಿನ ಆಟಗಳನ್ನು ಏರ್ಪಡಿಸಲಾಗಿತ್ತು.

ಈ ಮೂಲಕ, ತಜ್ಞರ ಅಮೂಲ್ಯ ಮಾಹಿತಿ, ಪ್ರೀತಿಯ ಆರೈಕೆ ಮತ್ತು ಸಹಾಯ ಪೂರಕ ಕಲಿಕೆಯ ವಾತಾವರಣವನ್ನು ಒದಗಿಸುವ ಮೂಲಕ, ಮಣಿಪಾಲ್ ಆಸ್ಪತ್ರೆ ಮೈಸೂರು ಮತ್ತೊಮ್ಮೆ ಪೋಷಕರಿಗೆ ಅವರ ಹೆರಿಗೆಯ ಪಯಣ ಮತ್ತು ಆರಂಭಿಕ ಬೆಳವಣಿಗೆಯ ಹಾದಿಯಲ್ಲಿ ಜೊತೆಯಾಗುವ ಬದ್ಧತೆಯನ್ನು ತೋರಿಸಿದೆ.