ಗಾಂಜಾ ಮಾರಲು ಯತ್ನಿಸುತ್ತಿದ್ದವನ ಬಂಧನ

ಪಿರಿಯಾಪಟ್ಟಣ ತಾಲೂಕು ಆಯರ ಬೀಡು ಗ್ರಾಮದ ಜಾವಿದ (50) ಬಂಧಿತ. ಆಲನಹಳ್ಳಿಯಿಂದ ಆಯರ ಬೀಡಿಗೆ ಹೋಗುವ ಮುಖ್ಯರಸ್ತೆ ಬದಿಯಲ್ಲಿ ಗಾಂಜಾ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಎಂಬ ಖಚಿತ ಮಾಹಿತಿ ಮೇರೆಗೆ ವೃತ್ತ ನಿರೀಕ್ಷಕ ದೀಪಕ್, ಪಿಎಸ್‌ಐ ರವಿಕುಮಾರ್ ಮಾರ್ಗದರ್ಶನದಲ್ಲಿ ಪಿಎಸ್‌ಐ ರವಿ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಬಂಧಿಸಿದರು.

ಬಂಧಿತನಿಂದ 249 ಗ್ರಾಂ ಗಾಂಜಾ ವಶಕ್ಕೆ ಪಡೆಯಲಾಗಿದೆ. ದೂರು ದಾಖಲಿಸಿಕೊಂಡಿರುವ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. ಕಾರ್ಯಾಚರಣೆಯಲ್ಲಿ ಪೊಲೀಸ್ ಸಿಬ್ಬಂದಿ ಮುದ್ದುರಾಜ್, ಪ್ರಸನ್ನ, ರವಿಕುಮಾರ್, ಸ್ಥಳೀಯ ನಿವಾಸಿ ನಿಸಾರ್ ಅಹಮದ್ ಇದ್ದರು.