ಗರ್ಭಿಣಿಯರಿಗೆ ಮತ್ತು ಮಗುವಿನ ನಿರೀಕ್ಷೆಯಲ್ಲಿರುವ ಪೋಷಕರಿಗೆ ತಜ್ಞರ ಮಾರ್ಗದರ್ಶನ

ಮೈಸೂರು ಮಣಿಪಾಲ್ ಆಸ್ಪತ್ರೆಯ ನಿರ್ದೇಶಕರಾದ ಶ್ರೀ ಸಂದೀಪ್ ಪಟೇಲ್ ಬಿ.ಜೆ. ಅವರ ಅಧ್ಯಕ್ಷತೆಯಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಆಸ್ಪತ್ರೆಯ ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞರಾದ ಡಾ. ಶಾಹೀನ್ ಅಖ್ತರ್, ಡಾ. ಅಮೂಲ್ಯ ಕೆ.ಜಿ., ಹಾಗೂ ಮಕ್ಕಳ ತಜ್ಞರಾದ ಡಾ. ಭುವನೇಶ್ವರ್ ಯು.ಎಸ್. ಅವರನ್ನೊಳಗೊಂಡ ತಜ್ಞ ವೈದ್ಯರ ತಂಡ ಉಪಸ್ಥಿತರಿತ್ತು.

ಮೈಸೂರು ಮಣಿಪಾಲ್ ಆಸ್ಪತ್ರೆಯ ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞರಾದ ಡಾ. ಶಾಹೀನ್ ಅಖ್ತರ್ ಮತ್ತು ಡಾ. ಅಮೂಲ್ಯ ಕೆ.ಜಿ. ಅವರು ಈ ವೇಳೆ ಮಾತನಾಡಿ, “ಪೋಷಕರಾಗುವುದು ಜೀವನದ ಒಂದು ಮಹತ್ವದ ಘಟ್ಟ. ಈ ಬಗ್ಗೆ ಸರಿಯಾದ ಮಾಹಿತಿ ಹಾಗೂ ಪೂರ್ವಸಿದ್ಧತೆ ಇದ್ದರೆ, ತಾಯಿ ಮತ್ತು ಮಗುವಿನ ಆರೋಗ್ಯದಲ್ಲಿ ಉತ್ತಮ ಬದಲಾವಣೆ ತರಬಹುದು. 'ಪೇರೆಂಟ್ ಕ್ರಾಫ್ಟ್' ಮೂಲಕ ಗರ್ಭಿಣಿಯರಿಗೆ ಉತ್ತಮ ಆಹಾರ, ಅಪಾಯದ ಮುನ್ಸೂಚನೆಗಳನ್ನು ಗುರುತಿಸುವುದು, ಹಾಗೂ ಹೆರಿಗೆಗೆ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಿದ್ಧರಾಗುವ ಬಗ್ಗೆ ಅರಿವು ಹಾಗೂ ಆತ್ಮವಿಶ್ವಾಸ ಮೂಡಿಸುವುದು ನಮ್ಮ ಪ್ರಮುಖ ಉದ್ದೇಶವಾಗಿದೆ,” ಎಂದರು.

ನವಜಾತ ಶಿಶುವಿನ ಆರೈಕೆ ಬಗ್ಗೆ ಮಾಹಿತಿ ನೀಡಿದ ಡಾ. ಭುವನೇಶ್ವರ್ ಯು.ಎಸ್., “ಆರಂಭಿಕ ದಿನಗಳಲ್ಲಿ ನವಜಾತ ಶಿಶುವಿನ ಸರಿಯಾದ ಆರೈಕೆ ಮಗುವಿನ ಆರೋಗ್ಯಕರ ಭವಿಷ್ಯಕ್ಕೆ ಭದ್ರ ಬುನಾದಿಯಾಗುತ್ತದೆ. ಮೊದಲ ಬಾರಿ ಪೋಷಕರಾಗುವವರಿಗೆ ಆರಂಭದಲ್ಲಿ ಸ್ವಲ್ಪ ಆತಂಕವಾಗುವುದು ಸಹಜ. ಈ ಕಾರ್ಯಕ್ರಮದಲ್ಲಿ ಎದೆಹಾಲಿನ ಮಹತ್ವ, ಮಗುವಿನ ನಿದ್ರೆ, ಬೆಚ್ಚಗಿಡುವುದು, ಲಸಿಕೆ, ನೈರ್ಮಲ್ಯ ಹಾಗೂ ತುರ್ತು ವೈದ್ಯಕೀಯ ನೆರವಿನ ಬಗ್ಗೆ ತಿಳಿಸಿಕೊಡಲಾಗಿದೆ. ಇದರಿಂದ ಹೆರಿಗೆಯ ನಂತರ ಪೋಷಕರು ಹೆಚ್ಚು ವಿಶ್ವಾಸದಿಂದ ಮಗುವನ್ನು ಆರೈಕೆ ಮಾಡಲು ಸಾಧ್ಯವಾಗುತ್ತದೆ,” ಎಂದು ತಿಳಿಸಿದರು.

ಆಸ್ಪತ್ರೆಯ ನಿರ್ದೇಶಕ ಶ್ರೀ ಸಂದೀಪ್ ಪಟೇಲ್ ಬಿ.ಜೆ. ಅವರು ಮಾತನಾಡಿ, “ಪೇರೆಂಟ್ ಕ್ರಾಫ್ಟ್ ಮೀಟ್ ಕಾರ್ಯಕ್ರಮವು ಕೇವಲ ವೈದ್ಯಕೀಯ ಚಿಕಿತ್ಸೆಗೆ ಮಾತ್ರ ಸೀಮಿತವಾಗದೆ, ಕುಟುಂಬಗಳಿಗೆ ಸರಿಯಾದ ಮಾರ್ಗದರ್ಶನ ಮತ್ತು ಬೆಂಬಲ ನೀಡುವ ಆಸ್ಪತ್ರೆಯ ಬದ್ಧತೆಯನ್ನು ತೋರಿಸುತ್ತದೆ. ಇಂತಹ ಕಾರ್ಯಕ್ರಮಗಳು ಪೋಷಕರಾಗಲು ಕಾಯುತ್ತಿರುವ ದಂಪತಿಗಳಿಗೆ ಜಾಗೃತಿ ಮೂಡಿಸಲು ಮತ್ತು ಹೊಸ ಜೀವವನ್ನು ಸ್ವಾಗತಿಸುವಾಗ ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನೆರವಾಗುತ್ತವೆ,” ಎಂದರು.

ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಗರ್ಭಿಣಿ ಶ್ರೀಮತಿ ಶ್ರೀದೇವಿ ಎನ್ ಪಿ. ತಮ್ಮ ಅನುಭವ ಹಂಚಿಕೊಂಡು, “ಮೊದಲ ಬಾರಿಗೆ ಪೋಷಕರಾಗುತ್ತಿರುವ ನಮಗೆ ಈ ಕಾರ್ಯಕ್ರಮ ಅತ್ಯಂತ ಉಪಯುಕ್ತವಾಗಿತ್ತು. ಗರ್ಭಧಾರಣೆ, ಹೆರಿಗೆ ಮತ್ತು ಶಿಶುವಿನ ಆರೈಕೆ ಬಗ್ಗೆ ಇದ್ದ ಹಲವು ಅನುಮಾನಗಳು ದೂರವಾದವು. ವೈದ್ಯರು ಅತ್ಯಂತ ಸರಳವಾಗಿ ಮತ್ತು ಪ್ರಾಯೋಗಿಕವಾಗಿ ಎಲ್ಲವನ್ನೂ ವಿವರಿಸಿದ್ದು ನಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ. ನಿರೀಕ್ಷಿತ ಪೋಷಕರಿಗಾಗಿ ಇಂತಹ ಉತ್ತಮ ಕಾರ್ಯಕ್ರಮ ಆಯೋಜಿಸಿದ ಮಣಿಪಾಲ್ ಆಸ್ಪತ್ರೆಗೆ ನಾವು ಕೃತಜ್ಞರಾಗಿದ್ದೇವೆ,” ಎಂದು ಹರ್ಷ ವ್ಯಕ್ತಪಡಿಸಿದರು.

ಇದೇ ಸಂದರ್ಭದಲ್ಲಿ, ಫಿಸಿಯೋಥೆರಪಿ ತಂಡವು ಗರ್ಭಿಣಿಯರಿಗಾಗಿ ಸುರಕ್ಷಿತ ವ್ಯಾಯಾಮಗಳನ್ನು ನೇರವಾಗಿ ತೋರಿಸಿಕೊಟ್ಟರೆ, ಆಹಾರ ತಜ್ಞರ ತಂಡವು ಆರೋಗ್ಯಕರ ಅಡುಗೆ ಮಾಡುವ ವಿಧಾನವನ್ನು ಮಾಡಿ ತೋರಿಸಿತು. ಕಾರ್ಯಕ್ರಮದ ಮತ್ತೊಂದು ಮುಖ್ಯ ಭಾಗವೆಂದರೆ, ಗರ್ಭಧಾರಣೆಯ ಕುರಿತು ಇರುವ ತಪ್ಪು ಕಲ್ಪನೆಗಳು ಮತ್ತು ಸತ್ಯಗಳ ("ಮಿಥ್ಯೆ vs. ಸತ್ಯ") ಬಗ್ಗೆ ನಡೆದ ತಿಳುವಳಿಕೆಯ ಚರ್ಚೆ, ಅದರ ನಂತರ ಮೋಜಿನ ಆಟಗಳನ್ನು ಏರ್ಪಡಿಸಲಾಗಿತ್ತು.

ಈ ಮೂಲಕ, ತಜ್ಞರ ಅಮೂಲ್ಯ ಮಾಹಿತಿ, ಪ್ರೀತಿಯ ಆರೈಕೆ ಮತ್ತು ಸಹಾಯ ಪೂರಕ ಕಲಿಕೆಯ ವಾತಾವರಣವನ್ನು ಒದಗಿಸುವ ಮೂಲಕ, ಮಣಿಪಾಲ್ ಆಸ್ಪತ್ರೆ ಮೈಸೂರು ಮತ್ತೊಮ್ಮೆ ಪೋಷಕರಿಗೆ ಅವರ ಹೆರಿಗೆಯ ಪಯಣ ಮತ್ತು ಆರಂಭಿಕ ಬೆಳವಣಿಗೆಯ ಹಾದಿಯಲ್ಲಿ ಜೊತೆಯಾಗುವ ಬದ್ಧತೆಯನ್ನು ತೋರಿಸಿದೆ.