ಅನ್ವಿತಾ ನರೇಂದರ್‌ಗೆ ಅಮೋಘ ಜಯ

ರೋಚಕತೆ, ಕುತೂಹಲ ಮೂಡಿಸಿದ್ದ ಅಂತಿಮ ಘಟ್ಟದಲ್ಲಿ ಶಾಂತಚಿತ್ತದಿಂದ ಒತ್ತಡ ನಿಭಾಯಿಸುವುದರಲ್ಲಿ ಯಶಸ್ವಿಯಾದ ಅನ್ವಿತಾ ಅವರು 2ನೇ ಬಾರಿಗೆ ಪ್ರಶಸ್ತಿ ಬಾಚಿಕೊಂಡರು.

ನಾಟಕೀಯವಾಗಿ ನಡೆದ ಪ್ಲೇ ಆಫ್‌ನ 2ನೇ ಹೋಲ್‌ನಲ್ಲಿ ಉತ್ತಮ ಸಾಧನೆಯಿಂದ ತಮ್ಮ ಸಮೀಪದ ಪ್ರತಿಸ್ಪರ್ಧಿ, ಅನುಭವಿ ವಾಣಿ ಕಪೂರ್ ಅವರನ್ನು ಸೋಲಿಸಿದರು.

ಪಾರ್-4ರ ಮೊದಲ ಪ್ಲೇ-ಆಫ್ ಹೋಲ್‌ನಲ್ಲಿ, ಅನ್ವಿತಾ ಮತ್ತು ವಾಣಿ ಇಬ್ಬರೂ ಪಾರ್ ಪ್ಲೇ ಮಾಡಿದರು. ಹೀಗಾಗಿ, ಇದು 2ನೇ ಪ್ಲೇಆಫ್ ಹೋಲ್ ನಡೆಯಲು ಕಾರಣವಾಯಿತು. 

ಹಿಂದಿನ  ರೆಗ್ಯುಲೇಷನ್ ಆಟದಲ್ಲಿ ಅತಿ ವೇಗದಿಂದ ಅದ್ಭುತ ಪುನರಾಗಮನದ ತೋರಿದ ನಂತರ ವಾಣಿಕಪೂರ್‌ಗೆ ಜಯ ಸಿಗುವುದೆಂಬ ನಂಬಿಕೆ ಮೂಡಿತ್ತು. ಆದರೆ, ಅನ್ವಿತಾ ತನ್ನ ವೃತ್ತಿಪರ ವೃತ್ತಿಜೀವನದ ಆರಂಭಿಕ ಹಂತದಲ್ಲಿರುವ ಆಟಗಾರ್ತಿಯಾಗಿ ಗಮನಾರ್ಹ ಶಾಂತತೆ ತೋರಿಸಿದರು. ಮೊದಲ ಪ್ಲೇಆಪ್‌ನಲ್ಲಿ ಇಬ್ಬರು ಸ್ಪರ್ಧಿಗಳನ್ನು ಬೇರ್ಪಡಿಸಲು ವಿಫಲವಾದ ನಂತರ, ಹೋರಾಟವು ಎರಡನೇ ಹೆಚ್ಚುವರಿ ಹೋಲ್‌ಗೆ ಸ್ಥಳಾಂತರಗೊಂಡಿತು. ಐದನೇ ಹೋಲ್ ಇನ್‌ರೆಗ್ಯುಲೇಷನ್ ಅನ್ನು ದಾಟಿದ ಅನ್ವಿತಾ, ವಾಣಿ ಕಪೂರ್ ಗೆಲುವಿನ ಓಟಕ್ಕೆ ಅಡ್ಡಿಯಾದರು. 

ನ್ಯೂಜೆರ್ಸಿಯಲ್ಲಿ ಜನಿಸಿದ 20 ವರ್ಷದ ಅನ್ವಿತಾಗೆ ಇದು ಹೀರೋ ಮಹಿಳಾ ಪ್ರೊಗಾಲ್ಫ್ ಟೂರ್ನಿಯಲ್ಲಿ 2ನೇ ಜಯವಾಗಿದ್ದು, 2024ರ ಗಾಲ್ಫ್ ಟೂರ್ನಿಯಲ್ಲೂ ಗೆಲುವು ದಾಖಲಿಸಿದ್ದರು. ಪಂದ್ಯಾವಳಿಯಲ್ಲಿ ದೇಶದ ವಿವಿಧ ಭಾಗಗಳಿಂದ 51 ಆಟಗಾರ್ತಿಯರು ಭಾಗವಹಿಸಿದ್ದರು.