- ಹುದ್ದೆಗಳ ಭರ್ತಿಗಾಗಿ 5 ತಂಡ ರಚನೆ
- ಹಂತ ಹಂತವಾಗಿ ಹುದ್ದೆಗಳನ್ನು ಭರ್ತಿ
ಮೈಸೂರು: ಎಸ್ಸಿ-ಎಸ್ಟಿಗೆ ಮೀಸಲಾಗಿರುವ 72 ಸಾವಿರ ಬ್ಯಾಕ್ಲಾಗ್ ಹುದ್ದೆಗಳ ಭರ್ತಿಗೆ ಕ್ರಮ ವಹಿಸಲಾಗಿದೆ ಎಂದು ಸಮಾಜ ಕಲ್ಯಾಣ ಸಚಿವ ಡಾ.ಎಚ್.ಸಿ.ಮಹದೇವಪ್ಪ ತಿಳಿಸಿದರು.
ಹುದ್ದೆಗಳ ಭರ್ತಿಗಾಗಿ 5 ತಂಡ ರಚಿಸಿದ್ದು, ಸಭೆ ನಡೆಸಲಾಗಿದೆ. ಹಂತ ಹಂತವಾಗಿ ಹುದ್ದೆಗಳನ್ನು ಭರ್ತಿ ಮಾಡುತ್ತೇವೆ ಎಂದರು.
ಅಂಬೇಡ್ಕರ್ ಅವರು ಒಳ ಮೀಸಲಾತಿ ಬಯಸಿರಲಿಲ್ಲ. ನಾನಾ ಕಾರಣಗಳಿಂದ ಒಳ ಮೀಸಲಾತಿಯನ್ನು ಜಾರಿಗೆ ತರಬೇಕಾದದ್ದು ದುರದುಷ್ಟಕರ. ಆದರೆ, ಒಂದೇ ಬುಟ್ಟಿಯಲ್ಲಿರುವ 101 ಜಾತಿಯ ಜನಗಳು ಅಸಮಾಧಾನಕ್ಕೆ ಆಸ್ಪದ ಇಲ್ಲದಂತೆ ಹಂಚಿಕೊಂಡು ಒಗ್ಗಟ್ಟಿನಿಂದ ಇರಬೇಕು ಎಂದು ತಿಳಿಸಿದರು.