ಸಂಗೀತ ಕಾರ್ಯಕ್ರಮ ಇಂದು

ವಿಜಯವಾಣಿ ಸುದ್ದಿಜಾಲ ಧಾರವಾಡ

ಸ್ವರಯೋಗಿನಿ ಖ್ಯಾತಿಯ ಡಾ. ಪ್ರಭಾ ಅತ್ರೆ ಸ್ಮರಣೆಯಲ್ಲಿ ನಗರದ ಜಿ.ಬಿ. ಜೋಶಿ ಮೆಮೋರಿಯಲ್​ ಟ್ರಸ್ಟ್​ ಹಾಗೂ ಪುಣೆಯ ಸ್ವರಮಯಿ ಸಂಸ್ಥೆ ಆಶ್ರಯದಲ್ಲಿ ಸಂಗೀತ ಹಾಗೂ ಭರತನಾಟ್ಯಗಳ ವಿಶೇಷ ಕಾರ್ಯಕ್ರಮವನ್ನು ಮಾ. 15ರಂದು ಸಂಜೆ 5.30ಕ್ಕೆ ಇಲ್ಲಿನ ಸೃಜನಾ ರಂಗ ಮಂದಿರದಲ್ಲಿ ಏರ್ಪಡಿಸಲಾಗಿದೆ.

ವಿದುಷಿ ಪದ್ಮಾ ತಳವಲಕರ ಗಾಯನ ಪ್ರಸ್ತುತಪಡಿಸುವರು. ತೇಜಸ್​ ಮಾಜಗಾಂವಕರ ತಬಲಾ ಹಾಗೂ ಅಮೇಯ ಬಿಚ್ಚು ಹಾಮೋರ್ನಿಯಂ ಸಾಥ್​ ನೀಡುವರು. ನಂತರ ನೃತ್ಯ ವಿದುಷಿ ಡಾ. ಸುಚೇತಾ ಭಿಡೆ- ಚಾಪೇಕರ ಭರತನಾಟ್ಯ ಪ್ರದರ್ಶಿಸುವರು ಎಂದು ಪ್ರಕಟಣೆ ತಿಳಿಸಿದೆ.