ಬಳ್ಳಾರಿ: ಜಿಲ್ಲಾದ್ಯಂತ ಶುಕ್ರವಾರ ರಾತ್ರಿ ಸುರಿದ ಮಳೆಯ ಆರ್ಭಟಕ್ಕೆ ಕೆರೆ, ಕಟ್ಟೆಗಳು ತುಂಬಿ ಹರಿದಿವೆ. ಸಂಡೂರು, ಹೊಸಪೇಟೆ, ಕೂಡ್ಲಿಗಿ, ಹಗರಿಬೊಮ್ಮನಹಳ್ಳಿ ತಾಲೂಕಿನಲ್ಲಿ ಅತಿ ಹೆಚ್ಚು ಸುರಿದಿದ್ದು, ಉಳಿದ ತಾಲೂಕುಗಳಲ್ಲಿ ಸಾಧಾರಣ ಮಳೆಯಾಗಿದೆ.
ಒಂದು ತಿಂಗಳಿಂದ ಮುಂಗಾರು ಮಳೆ ಉತ್ತಮವಾಗುತ್ತಿದ್ದು, ರೈತನ ಮೊಗದಲ್ಲಿ ಸಂತಸ ಮೂಡಿದೆ. ಅದರಲ್ಲೂ ಇತ್ತೀಚೆಗೆ ವಿವಿಧ ಬೆಳೆ ಬಿತ್ತಿದ ಖುಷ್ಕಿ ಜಮೀನಿನ ರೈತರು ಸಂತಸಗೊಂಡಿದ್ದು, ಉತ್ತಮ ಫಸಲು ಬರುವ ನಿರೀಕ್ಷೆ ಹೊಂದಿದ್ದಾರೆ. ಬಳ್ಳಾರಿ 12.2 ಮಿಮೀ ಮಳೆಯಾದರೆ, ಹಡಗಲಿ 16.2, ಹಗರಿಬೊಮ್ಮನಹಳ್ಳಿ 53.6, ಹರಪನಹಳ್ಳಿ 17.2, ಹೊಸಪೇಟೆ 82, ಕೂಡ್ಲಿಗಿ 79, ಸಂಡೂರು 90, ಸಿರಗುಪ್ಪ 65 ಮಿಮೀ ಮಳೆ ಸುರಿದಿದೆ.