ವಿಜಯವಾಣಿ ಸುದ್ದಿಜಾಲ ಚಿಕ್ಕನಾಯಕನಹಳ್ಳಿ
ಪುರಸಭೆಯ ವಾರ್ಡ್ವಾರು ಆಗಬೇಕಿರುವ ಕೆಲಸಗಳ ಬಗ್ಗೆ ಸದಸ್ಯರಿಗೆ ಯಾವುದೇ ಮಾಹಿತಿ ನೀಡದೆ ಪುರಸಭೆ ಅಧಿಕಾರಿಗಳು ಮನಸ್ಸಿಗೆ ಬಂದಂತೆ ಕಾರ್ಯಯೋಜನೆ ರೂಪಿಸಿದ್ದಾರೆ. ಏಕವ್ಯಕ್ತಿ ಗುತ್ತಿಗೆದಾರರು ಅರ್ಜಿಸಲ್ಲಿಸಿರುವ ಟೆಂಡರ್ ರದ್ದುಪಡಿಸಬೇಕು ಹಾಗೂ ಸಂಬಂಧಪಟ್ಟ ಅಧಿಕಾರಿಗಳ ವಿರುದ್ಧ ಕ್ರಮಕೈಗೊಳ್ಳುವಂತೆ ಸದಸ್ಯರು ಒತ್ತಾಯಿಸಿದರು.
ಪಟ್ಟಣದ ಪುರಸಭೆ ಕಚೇರಿ ಸಭಾಂಗಣದಲ್ಲಿ ಸೋಮವಾರ ಪುರಸಭೆ ಅಧ್ಯಕ್ಷ ಸಿ.ಎಚ್.ದಯಾನಂದ್ ಅಧ್ಯಕ್ಷತೆಯಲ್ಲಿ ಹಮ್ಮಿಕೊಂಡಿದ್ದ ಸಾಮಾನ್ಯ ಸಭೆಯಲ್ಲಿ ಸದಸ್ಯರು ಮಾತನಾಡಿ, 2021-&22ನೇ ಸಾಲಿನಲ್ಲಿ 47.16ಲಕ್ಷ ರೂ. 7 ಕಾಮಗಾರಿ, 16.74 ಲಕ್ಷ ರೂ.ನ 3 ಕಾಮಗಾರಿ, 2022&-23ನೇ ಸಾಲಿನಲ್ಲಿ 54.88 ಲಕ್ಷ ರೂ.ಗಳಲ್ಲಿ 6 ಕಾಮಗಾರಿ, ಅಮೃತ್ ನಿರ್ಮಲ್ ನಗರ ಯೋಜನೆಯಡಿ 5.11 ಲಕ್ಷ ರೂ.ನ ಒಂದು ಕಾಮಗಾರಿ, 2023-&24ನೇ ಸಾಲಿನ ಎಸ್ಬಿಎಂ&2 ಅಡಿಯಲ್ಲಿ 29.99 ಲಕ್ಷ ರೂ. ಒಂದು ಕಾಮಗಾರಿ, ಎಸ್ಎಫ್ಸಿ ಮುಕ್ತನಿಧಿ ಅನುದಾನದಲ್ಲಿ 2 ಲಕ್ಷ ರೂ. ಒಂದು ಕಾಮಗಾರಿ, 15ನೇ ಹಣಕಾಸು ಯೋಜನೆಯಡಿ 60.54 ಲಕ್ಷ ರೂ.ನ 7 ಕಾಮಗಾರಿ, 2024&25ನೇಸಾಲಿನ 19 ಲಕ್ಷ ರೂ.ನ 2 ಕಾಮಗಾರಿ, 15ನೇ ಹಣಕಾಸು ಯೋಜನೆಯಡಿ 72.16 ಲಕ್ಷ ರೂ.ನ 6 ಕಾಮಗಾರಿ, ಎಸ್ಎಫ್ಸಿ ಅನುದಾನದಡಿ 29.69 ಲಕ್ಷ ರೂ.ನ 1 ಕಾಮಗಾರಿಯ ಟೆಂಡರ್ಗೆ ಅನುಮೋದನೆ ನೀಡಲು ಕೆಲವು ಏಕವ್ಯಕ್ತಿ ಗುತ್ತಿಗೆದಾರರು ಅರ್ಜಿಸಲ್ಲಿಸಿದ್ದು, ಈ ಟೆಂಡರ್ ರದ್ದುಪಡಿಸಿ ಮತ್ತೊಮ್ಮೆ ಗುತ್ತಿಗೆ ಕರೆಯುವಂತೆ ಒಮ್ಮತದಿಂದ ತೀಮಾರ್ನಿಸಿದರು.
ಕಳೆದ ಹಲವಾರು ವರ್ಷಗಳ ಪಿಎಫ್ ಹಣ ಪುರಸಭೆ ಪೌರಕಾರ್ಮಿಕರ ಖಾತೆಗೆ ಜಮೆ ಆಗಿರುವುದಿಲ್ಲ. ಈ ಬಗ್ಗೆ ಸಂಬಂಧಪಟ್ಟ ಈ ಹಿಂದಿನ ಅಧಿಕಾರಿಗಳ ವಿರುದ್ಧ ಲೋಕಾಯುಕ್ತಕ್ಕೆ ದೂರು ನೀಡಲು, ಪಟ್ಟಣದ ವ್ಯಾಪ್ತಿಯಲ್ಲಿರುವ ಸರ್ಕಾರಿ ಜಾಗ ಗುರುತಿಸಿ ಅವುಗಳಿಗೆ ನಾಮಫಲಕ ಅಳವಡಿಸಲು, ಮಾರುಕಟ್ಟೆ ಬಳಿಯ ಗಾಂಧಿ ಶಿಶುವಿಹಾರ ತೆರವುಗೊಳಿಸುವಂತೆ ಸದಸ್ಯರು ತೀಮಾರ್ನಿಸಲಾಯಿತು.
ಸಭೆಯಲ್ಲಿ ಕೈಲಾಸ ರಥ ಹಾಗೂ ಪ್ರೀಜರ್ ಬಾಕ್ಸ್ ತರಲು ಟೆಂಡರ್ಗೆ ಅನುಮೋದನೆ ನೀಡಿದ್ದು ಸ್ವಾಗತಾರ್ಹ. ಅದರಂತೆ ಹಳೆಯೂರು ಆಂಜನೇಯಸ್ವಾಮಿ ದೇವಾಲಯದ ಹಿಂಭಾಗದ ಕಲ್ಯಾಣಿ ದುರಸ್ತಿಗೆ ಕ್ರಮಕೈಗೊಳ್ಳುವಂತೆ ನಾಮಿನಿ ಸದಸ್ಯ ಮಹಮದ್ ಹುಸೇನ್ ತಿಳಿಸಿದರು.
ಸದಸ್ಯರಾದ ಬಾಬು, ರೇಣುಕಮ್ಮ, ಪೂರ್ಣಿಮಾ, ಮಮತಾ, ಲಕ್ಷ್ಮೀ, ಪುಷ್ಪಾ, ಜಯಮ್ಮ, ಸಿ.ಬಿ.ತಿಪ್ಪೇಸ್ವಾಮಿ, ನಾಗರಾಜು, ಮಲ್ಲೇಶಯ್ಯ, ನಾಮಿನಿ ಸದಸ್ಯರಾದ ಚಂದ್ರಶೇಖರ್, ಸುಗಂದರಾಜು ಇದ್ದರು.
ಎಲ್ಲ ವಾರ್ಡ್ಗಳಿಗೆ ಅನುದಾನ ಬಳಸಿ: ಸದಸ್ಯ ಸಿ.ಬಸವರಾಜು ಮಾತನಾಡಿ, ಪುರಸಭೆಯ ಅನುದಾನಗಳನ್ನು ಸಮರ್ಪಕವಾಗಿ ಎಲ್ಲ ವಾರ್ಡ್ಗಳ ಅಭಿವೃದ್ಧಿಗೆ ಬಳಸಬೇಕು. ಕೇವಲ ಕೆಲವೇ ವಾರ್ಡ್ಗಳಲ್ಲಿ ಬಳಸಿದರೆ ಇನ್ನುಳಿದ ವಾರ್ಡ್ಗಳಿಗೆ ಅನ್ಯಾಯವಾಗುತ್ತದೆ. ಆದ್ದರಿಂದ ಅನುದಾನಗಳು ಸಮರ್ಪಕವಾಗಿ ಎಲ್ಲ ವಾರ್ಡ್ಗಳಿಗೆ ಹಂಚಿಕೆಯಾಗಬೇಕು ಎಂದು ಒತ್ತಾಯಿಸಿದರು. ಇದಕ್ಕೆ ಉತ್ತರಿಸಿದ ಅಧ್ಯಕ್ಷರು ಹಂತಹಂತವಾಗಿ ವಾರ್ಡ್ಗಳ ಅಭಿವೃದ್ಧಿಗೆ ಕ್ರಮಕೈಗೊಳ್ಳಲಾಗುವುದು. ಈಗ ಟೆಂಡರ್ ಕಾಮಗಾರಿಗಳು ನಡೆಯಲಿ, ಮುಂದೆ ವಿಶೇಷ 10 ಕೋಟಿ ರೂ. ಅನುದಾನ ಬರುವ ನೀರೀಕ್ಷೆ ಇದ್ದು ಅದರಲ್ಲಿ ಉಳಿದ ವಾರ್ಡ್ಗಳ ಅಭಿವೃದ್ಧಿಗೆ ಕ್ರಮಕೈಗೊಳ್ಳಲಾಗುವುದು ಎಂದರು.