ಮಾನ್ವಿ: ಪಟ್ಟಣದ ತಾಲೂಕು ಪಂಚಾಯಿತಿ ಕಟ್ಟಡವನ್ನು 6 ತಿಂಗಳೊಳಗೆ ಗುಣಮಟ್ಟದಿಂದ ನಿರ್ಮಿಸುವಂತೆ ಕೆಐಆರ್ಡಿಎಲ್ ಅಧಿಕಾರಿ ಶಶಾಂಕ ನಾಯಕಗೆ ಶಾಸಕ ರಾಜಾ ವೆಂಕಟಪ್ಪನಾಯಕ ಸೂಚಿಸಿದರು.
2 ಕೋಟಿ ರೂ. ವೆಚ್ಚದ ತಾಪಂ ಕಟ್ಟಡ ನಿರ್ಮಾಣಕ್ಕೆ ಸೋಮವಾರ ಶಂಕುಸ್ಥಾಪನೆ ನೆರವೇರಿಸಿ ಮಾತನಾಡಿ, ರಾಜ್ಯ ಸರ್ಕಾರದ ಅನಿರ್ಬಂಧಿತ ನಿಧಿಯಡಿ 1.50 ಕೋಟಿ ರೂ. ಮತ್ತು 50 ಲಕ್ಷ ರೂ. ಎಂಎನ್ಆರ್ಇಜಿ ಯೋಜನೆಯಡಿ ಕಟ್ಟಡ ನಿರ್ಮಿಸಲಾಗುತ್ತಿದೆ ಎಂದರು.
30 ವರ್ಷಗಳ ಹಿಂದೆ ನಿರ್ಮಿಸಿರುವ ತಾಪಂ ಬಿಲ್ಡಿಂಗ್ ಉತ್ತಮವಾಗಿದೆ. ಅದರಂತೆ ನೂತನ ಕಟ್ಟಡವನ್ನೂ ನಿರ್ಮಿಸಬೇಕು. ತಾಪಂ ಇಒ ಸೇರಿ 5 ಗೆಜೆಟೆಡ್ ಅಧಿಕಾರಿಗಳಿಗೆ ಕಚೇರಿ ವ್ಯವಸ್ಥೆ ಕಲ್ಪಿಸುವ ಉದ್ದೇಶದಿಂದ ನೂತನ ಕಟ್ಟಡ ನಿರ್ಮಿಸಲಾಗುತ್ತಿದೆ. ಹಳೇ ಕಟ್ಟಡವನ್ನು ಇತರ ಸರ್ಕಾರಿ ಇಲಾಖೆಗೆ ಒಪ್ಪಿಸಲಾಗುವುದು ಎಂದು ತಿಳಿಸಿದರು.