ಕಿಕ್ಕೇರಿ ಹೋಬಳಿ ಕೋಟಹಳ್ಳಿ ಮತ್ತಿತರ ಗ್ರಾಮಗಳ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಎಚ್.ಟಿ.ಮಂಜು ಚಾಲನೆ ನೀಡಿದರು. ಮುಖಂಡರಾದ ಮಧು, ಶೇಖರ್, ಮಂಜೇಗೌಡ, ಕೋಟಹಳ್ಳಿ ಕುಮಾರ್, ಮಲ್ಲೇಶ್ ಇತರರಿದ್ದರು.
ಕಿಕ್ಕೇರಿ: ಒಂದು ಗ್ರಾಮದ ಅಭಿವೃದ್ಧಿ ಅಲ್ಲಿನ ಸುಸಜ್ಜಿತವಾದ ರಸ್ತೆ ಸಂಪರ್ಕದ ಮೇಲೆ ಅವಲಂಬಿತವಾಗಿದೆ ಎಂದು ಶಾಸಕ ಎಚ್.ಟಿ.ಮಂಜು ತಿಳಿಸಿದರು.
ಹೋಬಳಿಯ ದಬ್ಬೇಘಟ್ಟ, ಗೋವಿಂದನಹಳ್ಳಿ, ಕೋಟಹಳ್ಳಿ, ಮಾರ್ಗೋನಹಳ್ಳಿ ಗ್ರಾಮಗಳ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಮಂಗಳವಾರ ಚಾಲನೆ ನೀಡಿ ಮಾತನಾಡಿದರು. ಪ್ರತಿ ಗ್ರಾಮದ ರಸ್ತೆ ಅಭಿವೃದ್ಧಿಗಾಗಿ ತಲಾ 10 ಲಕ್ಷ ರೂ.ಗಳನ್ನು ಶಾಸಕರ ಅನುದಾನದಲ್ಲಿ ನೀಡಲಾಗಿದೆ. ಗುಣಮಟ್ಟದ ಕಾಮಗಾರಿಗೆ ಗ್ರಾಮಸ್ಥರು ಕಾಳಜಿ ವಹಿಸಿ. ಅನುದಾನದ ಕೊರತೆಯಿಂದ ತಾಲೂಕಿನ ಅಭಿವೃದ್ಧಿಗೆ ಸಮಸ್ಯೆಯಾಗಿದೆ. ತಾಲೂಕು ಅಭಿವೃದ್ಧಿಗಾಗಿ ಶಕ್ತಿ ಮೀರಿ ಪ್ರಯತ್ನಿಸಲಾಗುತ್ತಿದೆ. ಗುಂಡಿ ಬಿದ್ದ ರಸ್ತೆಗಳನ್ನು ಕನಿಷ್ಠ ಮುಚ್ಚಿಸಲು ಅನುದಾನಕ್ಕಾಗಿ ಸರ್ಕಾರಕ್ಕೆ ಒತ್ತಾಯ ಮಾಡಲಾಗುತ್ತಿದೆ ಎಂದರು.
ಮುಖಂಡರಾದ ಮಧು, ಶೇಖರ್, ಮಂಜೇಗೌಡ, ಕೋಟಹಳ್ಳಿ ಕುಮಾರ್, ಮಲ್ಲೇಶ್ ಮತ್ತಿತರರಿದ್ದರು.