ಗಮನಸೆಳೆದ ಹವ್ಯಾಸಿ ಗಾಯಕರ ಗಾಯನ: ನಗರದ ಹೊರವಲಯದ ತೋಟದಲ್ಲಿ ಕಾರ್ಯಕ್ರಮ

ಮಂಡ್ಯ ಸಿಂಗರ್ಸ್ ಗ್ರೂಪ್ ಮತ್ತು ಮಧುರ ಮಂಡ್ಯ ರಂಗಕಲಾ ಟ್ರಸ್ಟ್ ಸಹಯೋಗದಲ್ಲಿ ಕರೋಕೆ ಹಾಡುಗಾರಿಕೆ ನಡೆಯಿತು. ಗಾಯನದಲ್ಲಿ ಆಸಕ್ತಿ ಇರುವಂತಹ ಹಾಗೂ ಸಮರ್ಪಕ ವೇದಿಕೆ ಸಿಗದಂತಹವರಿಗಾಗಿಯೇ ಈ ಕಾರ್ಯಕ್ರಮ ಆಯೋಜಿಸಿಕೊಂಡು ಬರಲಾಗುತ್ತಿದೆ. ಪ್ರತಿ ಮೂರ‌್ನಾಲ್ಕು ತಿಂಗಳಿಗೊಮ್ಮೆ ವಿಶೇಷವಾಗಿ ಕಾರ್ಯಕ್ರಮ ನಡೆಸಲಾಗುತ್ತದೆ.

ಇಡೀ ದಿನ ಹಾಡುಗಾರಿಕೆ ನಡೆಯಿತು. ಗಮನಾರ್ಹ ವಿಷಯವೆಂದರೆ ಈ ತಂಡದಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್, ಪೊಲೀಸ್, ಉಪನ್ಯಾಸಕರು ಸೇರಿದಂತೆ ಹಲವು ವರ್ಗದವರಿದ್ದಾರೆ. ತಮ್ಮ ಕುಟುಂಬದವರೊಂದಿಗೆ ಸೇರಿ ವಿಶೇಷ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುತ್ತಾರೆ. ಅದರಂತೆ ಈ ಬಾರಿಯೂ ಕರೋಕೆ ಗಾಯನ ಗಮನಸೆಳೆಯಿತು. ಅಂತೆಯೇ ಮಕ್ಕಳ ಗಾಯನವೂ ವಿಶೇಷವಾಗಿತ್ತು.

ಮಧುರ ಮಂಡ್ಯ ರಂಗಕಲಾ ಟ್ರಸ್ಟ್ ಅಧ್ಯಕ್ಷ ಡಾ.ಎ.ವಿ.ಉಮೇಶ್, ಸಬ್ಬನಹಳ್ಳಿ ವೆಂಕಟೇಶ್, ಸೌಮ್ಯಾ, ರೇಣುಕಾಪ್ರಸಾದ್, ಜೋಗಿಗೌಡ, ಮಹೇಶ್, ಸುಧೀರ್, ನಿರ್ಮಲಾ, ಲಕ್ಷ್ಮೀಪತಿ ಇತರರಿದ್ದರು.