ಇಳಕಲ್ಲ(ಗ್ರಾ): ನಗರದ ಸಜ್ಜನ್ ಸ್ಕೂಲ್ ಹತ್ತಿರದ ರೆಡ್ಡಿ ಅವರ ಮಂಡಕ್ಕಿ ಫ್ಯಾಕ್ಟರಿಗೆ ಸೋಮವಾರ ಬೆಳಗಿನ ಜಾವ 3-15 ಗಂಟೆ ವೇಳೆಗೆ ಬೆಂಕಿ ತಗುಲಿದ್ದನ್ನು ನೋಡಿದ ಗಸ್ತು ಪೊಲೀಸರು ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿ ದೊಡ್ಡ ಅನಾಹುತ ತಪ್ಪಿಸಿದ್ದಾರೆ.
ಆಂಧ್ರಪ್ರದೇಶದ ರಮಣಾರೆಡ್ಡಿ ಅವರಿಗೆ ಸೇರಿದ ಎ 01 ಇಂಡಸ್ಟ್ರೀಸ್ ಮಂಡಕ್ಕಿ ಫ್ಯಾಕ್ಟರಿಗೆ ಶಾರ್ಟ್ ಸರ್ಕ್ಯೂಟ್ನಿಂದ ಬೆಂಕಿ ತಗಲಿದೆ.
ಬೆಂಕಿ ನಂದಿಸುವ ಕಾರ್ಯಾಚರಣೆಯಲ್ಲಿ ಪ್ರಭಾರ ಠಾಣಾಧಿಕಾರಿ ಜಗದೀಶ ಗಿರಡ್ಡಿ ನೇತೃತ್ವದಲ್ಲಿ ಭೀಮಪ್ಪ ಒನಕಿಹಾಳ, ರಫೀಕ ವಾಲಿಕಾರ, ಮಾರುತಿ ಜಾಧವ, ಬಸವರಾಜ ಶೀಲವಂತರ, ಸಂತೋಷ ಕೆಲೂರು, ವೈ.ಎಲ್.ಪೂಜಾರ ಇತರರಿದ್ದರು.