ಉಡುಪಿ: ಮಲ್ಪೆ ಬಂದರಿನಲ್ಲಿ ಔಟರ್ ಹಾರ್ಬರ್, ಪಡುಕರೆ ಭಾಗದಲ್ಲಿ ನಾಡದೋಣಿ ಮತ್ತು ಯಾಂತ್ರಿಕ ದೋಣಿಗಳಿಗೆ 600 ಮೀ ಉದ್ದ ಜೆಟ್ಟಿ ನಿರ್ಮಾಣ ಮಾಡುವ ಬಗ್ಗೆ ನೀಲನಕ್ಷೆಯನ್ನು ತಯಾರಿಸುವಂತೆ ಶಾಸಕ ಯಶ್ಪಾಲ್ ಎ. ಸುವರ್ಣ ಅವರು ಬಂದರು ಮತ್ತು ಮೀನುಗಾರಿಕೆ ಇಲಾಖೆಯ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಗುರುವಾರ ಮಲ್ಪೆ ಮೀನುಗಾರ ಸಂದ ಮುಖಂಡರೊಂದಿಗೆ ಯೋಜಿತ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
ಮೀನುಗಾರಿಕೆ ಇಲಾಖೆಯ ವತಿಯಿಂದ ಪ್ರಧಾನಮಂತ್ರಿ ಮತ್ಸ್ಯಸಂಪದ ಮತ್ತು ಸಾಗರಮಾಲ ಯೋಜನೆಯಡಿ ಮಲ್ಪೆಯಲ್ಲಿ ಔಟರ್ ಹಾರ್ಬರ್ ನಿರ್ಮಾಣ ಮಾಡುವ ಪ್ರಯತ್ನ ಮಾಡಲಾಗುವುದು ಎಂದರು.
5000 ಬೋಟು ತಂಗಲು ಅವಕಾಶ
ಮಲ್ಪೆ ಬಂದರಿನಲ್ಲಿ ಬೋಟು ನಿಲ್ಲಿಸಲು ಸ್ಥಳಾವಕಾಶದ ಕೊರತೆಯಿಂದ ಮೀನುಗಾರರು ಹಲವಾರು ವರ್ಷದಿಂದ ತೊಂದರೆಗೊಳಗಾಗುತ್ತಿದ್ದಾರೆ. ಬಂದರಿಗೆ ದಕ್ಷಿಣ ಭಾಗದಲ್ಲಿ ಭದ್ರಗಢ ಲೈಟ್ಹೌಸ್, ಕೋಟೆ, ಮಾಲ್ತಿಕಲ್ಲು ಇರುವುದರಿಂದ ಇವೆಲ್ಲವನ್ನು ಆವರಿಸಿ ನೀರಿನ ತಡೆಮಾಡಿ ಔಟರ್ ಹಾರ್ಬರ್ ಮಾಡಿದರೆ ಸುಮಾರು 5 ಸಾವಿರ ಬೋಟ್ ನಿಲ್ಲಿಸಬಹುದಾಗಿದೆ ಎಂದರು.
ಮೀನುಗಾರಿಕೆ ಇಲಾಖೆಯ ಜಂಟಿ ನಿರ್ದೇಶಕ ವಿವೇಕ್ ಆರ್., ಸಹಾಯಕ ನಿರ್ದೇಶಕ ಕುಮಾರ ಸ್ವಾಮಿ, ಬಂದರು ಇಲಾಖೆಯ ಕಾರ್ಯ ನಿರ್ವಾಹಕ ಎಂಜಿನಿಯರ್ ಜಯರಾಜ್, ಸಹಾಯಕ ಎಂಜಿನಿಯರ್ ಪ್ರಶಾಂತ್, ಮಲ್ಪೆ ಮೀನುಗಾರ ಸಂದ ಅಧ್ಯಕ್ಷ ದಯಾನಂದ ಕೆ. ಸುವರ್ಣ, ಉಪಾಧ್ಯಕ್ಷ ನಾಗರಾಜ್ ಸುವರ್ಣ, ಕಾಯದರ್ಶಿ ಜಗನ್ನಾಥ್ ಕಡೆಕಾರು, ರತ್ನಾಕರ ಸಾಲ್ಯಾನ್, ಸಂತೋಷ್ ಮೊದಲಾದವರು ಉಪಸ್ಥಿತರಿದ್ದರು.